ജിഷ്ണുവിന്റെ അമ്മയെ പോലീസ് നടുറോഡിൽ വലിച്ചിഴച്ചു

തിരുവനന്തപുരം: ജിഷ്ണു പ്രണയോയിയുടെ മരണവുമായി ബന്ധപ്പെട്ട് ഡിജിപി ഓഫിസിന് മുന്നില്‍ ജിഷ്ണുവിന്‍റെ കുടുംബം നടത്തിയ നിരാഹാര സമരത്തിനിടയിൽ നാടകീയരംഗങ്ങള്‍. ജിഷ്ണുവിന്‍റെ അമ്മ മഹിജയേയും അച്ഛൻ അശോകിനേയും ബന്ധുക്കളേയും പോലീസ് ബലം പ്രയോഗിച്ച് നീക്കുകയായിരുന്നു. ഇവരെ സമരം ചെയ്യാൻ അനുവദിക്കാതെ എ.ആർ ക്യാമ്പിലേക്ക് ആദ്യം നീക്കുകയായിരുന്നു. പിന്നീട് പൂജപ്പുര ജയിലിലേക്ക് കൊണ്ടുപോയി. എന്തൊക്കെചെയ്താലും സമരത്തിൽ നിന്ന് പിന്മാറില്ലെന്ന് കുടുംബം അറിയിച്ചു. ഇവരുമായി സമവായ ചർച്ചയ്ക്കാണ് പോലീസ് നീക്കം.

ജിഷ്ണു പ്രണോയിയുടെ മരണവുമായി ബന്ധപ്പെട്ട് പ്രതികളായവരെ അറസ്റ്റ് ചെയ്യാത്ത പോലീസ് നിലപാടില്‍ പ്രതിഷേധിച്ചും പോസ്റ്റ് മോർട്ടം റിപ്പോര്‍ട്ടും കേസും അട്ടിമറിച്ചവര്‍ക്കെതിരെ നടപടിയെടുക്കണമെന്ന് ആവശ്യപ്പെട്ടും ബന്ധുക്കള്‍ ബുധനാഴ്ച ഡിജിപി ഓഫിസിന് മുന്നില്‍ സമരം തുടങ്ങിയത്. മൂന്നു ദിവസം തുടര്‍ച്ചയായി 15 പേര്‍ സമരരംഗത്തുണ്ടാകുമെന്നാണ് അറിയിച്ചിരുന്നത്.


Justice for jishnu
police violence against jishnu's family