2017 ല്‍ രാഷ്ട്രീയ സംഘര്‍ഷങ്ങളില്‍ 1463 കേസുകള്‍

2017 ല്‍ സംസ്ഥാനത്ത് രാഷ്ട്രീയ ആക്രമണ കേസുകളില്‍ കാര്യമായ കുറവ്. 2016 നെ അപേക്ഷിച്ച്‌ കേസുകളില്‍ ഗണ്യമായ കുറവുണ്ടായി. 2017 ഡിസംബര്‍ 30 വരെ 1463 കേസുകളാണ് രജിസ്റ്റര്‍ ചെയ്തത്.
എന്നാല്‍, 2016 ല്‍ ആകെ 1684 രാഷ്ട്രീയ അക്രമ കേസുകളാണ് രജിസ്റ്റര്‍ ചെയ്തിരുന്നത്. കണ്ണൂരിലും രാഷ്ട്രീയ അക്രമ കേസുകളില്‍ ഗണ്യമായ കുറവ് രേഖപ്പെടുത്തിയിട്ടുണ്ട്. 2016 ഡിസംബര്‍ വരെ ആക്രമണ കേസുകളുടെ എണ്ണം 363 ആയിരുന്നു. 2017 ഡിസംബര്‍ 30 ആകുന്പോഴേക്കും 271 ആയി അത് കുറഞ്ഞു.

അക്രമം അമര്‍ച്ച ചെയ്യാന്‍ സര്‍ക്കാര്‍ എടുത്ത ഭരണപരവും രാഷ്ട്രീയപരവുമായ നടപടികളാണ് കേസുകളുടെ എണ്ണത്തില്‍ കുറവ് വരുത്തിയത്. മുഖ്യമന്ത്രിയുടെ നേതൃത്വത്തില്‍ നടത്തിയ സമാധാന ചര്‍ച്ചകളും അക്രമസംഭവങ്ങള്‍ കുറയാന്‍ കാരണമായതായാണ് വിലിയരുത്തപ്പെടുന്നത്.