റബ്ബര്‍ കര്‍ഷകര്‍ക്ക് സബ്‍സിഡി നല്‍കരുതെന്ന് പി സി ജോര്‍ജ്

തിരുവനന്തപുരം: റബ്ബര്‍ കര്‍ഷകര്‍ക്ക് സര്‍ക്കാര്‍ ഖജനാവില്‍ നിന്നും സബ്‍സിഡി നല്‍കരുതെന്ന് പി സി ജോര്‍ജ് എംഎല്‍എ. പരിസ്ഥിതിയെ നശിപ്പിക്കുന്ന റബ്ബര്‍ കൃഷിയെ പ്രോത്സാഹിപ്പിക്കുന്നത് ദേശീയ നഷ്ടമാണെന്നും ജോര്‍ജ് വ്യക്തമാക്കി. നിയമസഭയില്‍ സംസാരിക്കുകയായിരുന്നു പി സി ജോര്‍ജ്.

റബ്ബര്‍ കൃഷി ലാഭകരമായി നടത്താന്‍ നമുക്ക് കഴിയില്ല. പരിസ്ഥിതി തകര്‍ക്കുന്ന കൃഷിയാണ് റബ്ബര്‍ കൃഷി. നിലവിലുള്ള റബ്ബര്‍ മരങ്ങള്‍ വെട്ടി നശിപ്പിക്കണമെന്നും ജോര്‍ജ് നിയമസഭയില്‍ ആവശ്യപ്പെട്ടു.

അതേസമയം പ്രതിപക്ഷ ബഹളത്തെ തുടര്‍ന്ന് തുടര്‍ച്ചയായ അഞ്ചാം ദിവസവും സഭ തടസപ്പെട്ടു. ബന്ധുനിയമന വിവാദത്തില്‍ ആരോപിതനായ കെ ടി ജലീലിനെതിരെ നടപടി സ്വീകരിക്കാന്‍ പ്രതിപക്ഷം ആവശ്യപ്പെട്ടു. എന്നാല്‍ ജലീലിനെ പിന്തുണച്ച് മുഖ്യമന്ത്രി രംഗത്തെത്തിയതാണ് പ്രതിപക്ഷത്തെ ചൊടിപ്പിച്ചത്. ഇതോടെ സഭ ബഹിഷ്കരിച്ച് പുറത്തേക്ക് പോകുകയായിരുന്നു പ്രതിപക്ഷം.