കേരളത്തില്‍ കനത്ത മഴയ്ക്ക് സാധ്യത

തിരുവനന്തപുരം: കേരളത്തിൽ ശക്തമായ മഴയ്ക്ക് സാധ്യതയെന്ന് കാലാവസ്ഥാ നീരീക്ഷണ കേന്ദ്രത്തിന്‍റെ റിപ്പോർട്ട്. കന്യാകുമാരിക്ക് അടുത്ത് രൂപംകൊണ്ട അന്തരീക്ഷ ചുഴി കാരണം അടുത്ത ഒരാഴ്ച കേരളത്തിൽ കനത്ത മഴയുണ്ടായിരിക്കും. അതേസമയം അടുത്ത 48 മണിക്കൂറിൽ തെക്കുപടിഞ്ഞാറൻ കാലവർഷം ആന്‍റമാൻ ദ്വീപുകളിൽ എത്തും. ജൂൺ ഒന്നിന് മുൻപെ തന്നെ കേരളത്തിൽ കാലവർഷം എത്തുമെന്നാണ് പ്രതീക്ഷ.

കന്യാകുമാരിക്ക് താഴെ അറബിക്കടലിലും ബംഗാള്‍ ഉള്‍ക്കടലിലും രണ്ട് അന്തരീക്ഷ ചുഴികള്‍ രൂപപ്പെട്ടതാണ് ഇപ്പോൾ മഴയ്ക്ക് കാരണം. കോഴിക്കോട്, വയനാട് ജില്ലകളില്‍ സാധാരണ ലഭിക്കേണ്ടതിനെക്കാള്‍ 56, 53 ശതമാനം വീതം അധികം മഴ ലഭിച്ചു. എട്ട് ജില്ലകളില്‍ സാധാരണ ലഭിക്കേണ്ടതിനേക്കാള്‍ കൂടുതൽ വേനല്‍മഴ ലഭിച്ചു.