തിരുവനന്തപുരം: ലോക്സഭാ തെരഞ്ഞെടുപ്പിൽ പോലീസിലെ പോസ്റ്റൽ വോട്ട് അട്ടിമറിയിൽ അന്വേഷണത്തിന് നിർദ്ദേശം. സംഭവത്തിൽ പോലീസ് അസോസിയേഷന് പങ്കുണ്ടെന്ന് വ്യക്തമായതായി മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ അറിയിച്ചു. ഇക്കാര്യത്തിൽ അന്വേഷണം നടത്തണമെന്ന് ഡിജിപിക്ക് അദ്ദേഹം നിർദ്ദേശവും നൽകി. സംഭവത്തിൽ പോലീസ് അസോസിയേഷൻെറ പങ്ക് എത്രത്തോളമുണ്ടെന്ന് അന്വേഷിക്കാനാണ് നിർദ്ദേശം നൽകിയത്. മെയ് 15ന് മുമ്പായി ഇതിൽ റിപ്പോർട്ട് സമർപ്പിക്കണം. പ്രഥമദൃഷ്ട്യാ പോലീസ് അസോസിയേഷന് പങ്കുണ്ടെന്നാണ് തിരഞ്ഞെടുപ്പ് ഓഫീസറുടെ നിഗമനം.
സംഭവത്തിൽ അന്വേഷണം വേണമെന്ന് നേരത്തെ തന്നെ പ്രതിപക്ഷനേതാവ് രമേശ് ചെന്നിത്തല ആവശ്യപ്പെട്ടിരുന്നു. ഇത് കൂടി പരിഗണിച്ചാണ് അന്വേഷണത്തിന് നിർദ്ദേശം നൽകിയിരിക്കുന്നത്.
സംഭവത്തിൽ അന്വേഷണം വേണമെന്ന് നേരത്തെ തന്നെ പ്രതിപക്ഷനേതാവ് രമേശ് ചെന്നിത്തല ആവശ്യപ്പെട്ടിരുന്നു. ഇത് കൂടി പരിഗണിച്ചാണ് അന്വേഷണത്തിന് നിർദ്ദേശം നൽകിയിരിക്കുന്നത്.