മാനന്തവാടിയിൽ പി.കെ ജയലക്ഷ്മിയ്‌ക്കെതിരെ പോസ്റ്റർ

മാനന്തവാടി: കോൺഗ്രസ് നേതാവായ മന്ത്രി പി.കെ ജയലക്ഷ്മിയുടെ സ്ഥാനാർഥിത്വത്തിനെതിരെ മാനന്തവാടിയിൽ പോസ്റ്ററുകൾ. മത്സരിച്ചു വിജയിച്ച ശേഷം ആർ.എസ്.എസുകാരിയായി പ്രവർത്തിക്കുന്നു എന്നും ഇനി കൈപ്പത്തി ചിഹ്നത്തിൽ മത്സരിക്കാൻ അനുവദിക്കില്ലെന്നുമാണ് പോസ്റ്ററുകളിൽ പറയുന്നത്.

പി.കെ ജയലക്ഷ്മി വീണ്ടും മത്സരിക്കുമെന്ന സൂചനകൾ വന്ന സാഹചര്യത്തിലാണ് പോസ്റ്ററുകൾ പ്രത്യക്ഷപ്പെട്ടിരിക്കുന്നത്. മത്സരിക്കണമെങ്കിൽ ബി.ജെ.പി സ്ഥാനാർഥിയായി മത്സരിച്ചാൽ മതിയെന്നും പോസ്റ്ററുകളിൽ പറയുന്നു. സേവ് യൂത്ത് കോൺഗ്രസ് ഫോറത്തിന്റെ പേരിലാണ് പോസ്റ്ററുകൾ പ്രത്യക്ഷപ്പെട്ടത്.