കോൺഗ്രസിനെതിരെ ആഞ്ഞടിച്ച് കേരള കോൺഗ്രസ് (എം) മുഖമാസിക

കോട്ടയം: കോൺഗ്രസിനെതിരെ ആഞ്ഞടിച്ച് കേരള കോൺഗ്രസ് (എം) മുഖമാസികയായ 'മുഖച്ഛായ'. പ്രതിച്ഛായയുടെ പുതിയ പതിപ്പിലാണ് കോൺഗ്രസിനെതിരെ രൂക്ഷ വിമർശനമുന്നയിച്ചിരിക്കുന്നത്.

പിടി ചാക്കോയെ ദ്രോഹിച്ചവർ കെ.എം മാണിയെ കൊല്ലാക്കൊല ചെയ്യുകയാണെന്ന് മാസികയിലെ ലേഖനത്തിൽ ആരോപിക്കുന്നു. പിടി ചാക്കോയുടെ കാറിൽ സ്‌ത്രീ സാന്നിധ്യം ആരോപിച്ചവരുടെ പിൻമുറക്കാർ തിരുവനന്തപുരത്തെ ബാർ മുതലാളിമാരെക്കൊണ്ട് മാണിക്കെതിരെ ആരോപണം ഉന്നയിപ്പിച്ചിരിക്കുകയാണ്. മുഖ്യമന്ത്രിയാകുമെന്ന് കരുതിയപ്പോഴാണ് പിടി ചാക്കോ വെച്ചത്. മാണിക്കും അതേ അവസ്ഥയിൽ രാജി വെയ്‌ക്കേണ്ടി വന്നുവെന്നും ലേഖനത്തിൽ പറയുന്നു.

'അന്ന് ‌പിടി ചാക്കോ, ഇന്ന് കെഎം മാണി' എന്ന ലേഖനത്തിലാണ് പ്രതിച്ഛായ ആരോപണങ്ങൾ ഉന്നയിച്ചിരിക്കുന്നത്. എൽഡിഎഫ് ‌മാണിയെ അഭിനന്ദിച്ചത് കോൺഗ്രസിനെ അങ്കലാപ്പിലാക്കി. തരം കിട്ടിയിരുന്നെങ്കിൽ പിടി ചാക്കോയെ പോലെ മാണിയെയും ഇല്ലാതാക്കുമായിരുന്നെന്നും ലേഖനത്തിൽ പറയുന്നു.