കടുത്തുരുത്തിയിൽ ബംഗ്ലാദേശ് യുവതിയെ വൈദികൻ പീഡിപ്പിച്ചു

കോട്ടയം: കല്ലറ മണിയാതുരുത്തിൽ വൈദികൻ ബംഗ്ലാദേശ് സ്വദേശിയായ യുവതിയെ പീഡിപ്പിച്ചതായി പരാതി. ചങ്ങനാശേരി ഫാത്തിമപുരം സ്വദേശിയും കല്ലറ പെരുംതുരുത്ത് സെന്‍റ് മാത്യൂസ് പള്ളി വികാരിയുമായ ഫാ. തോമസ് താന്നിനിൽക്കുംതടത്തിലിന് എതിരെയാണ് ആരോപണം. യുവതിയുടെ പരാതിയെത്തുടര്‍ന്ന് കടുത്തുരുത്തി പോലീസ് കേസെടുത്ത് അന്വേണം ആരംഭിച്ചു. ഇതോടെ വൈദികൻ ഒളിവിൽ പോയി.

ഫേസ്ബുക്ക് വഴി പരിചയപ്പെട്ട യുവതിയെ പ്രണയം നടിച്ച് വൈദികൻ കേരളത്തിലെത്തിക്കുകയായിരുന്നുവെന്ന് പോലീസ് വൃത്തങ്ങളെ ഉദ്ധരിച്ച് മംഗളം റിപ്പോര്‍ട്ട് ചെയ്ടു. ഇദ്ദേഹത്തെ വൈദികവൃത്തിയിൽ നിന്ന് നീക്കം ചെയ്തതായി പാലാ രൂപത അറിയിച്ചു. പോലീസ് അന്വേഷണത്തോടു പൂര്‍ണ്ണമായി സഹകരിക്കുമെന്നും രൂപത വ്യക്തമാക്കിയിട്ടുണ്ട്.

ശാരീരിക അസ്വസ്ഥതകള്‍ പ്രകടിപ്പിച്ച യുവതിയെ കോട്ടയത്തെ ആശുപത്രിയിൽ പ്രവേശിപ്പിച്ചു. യുവതിയിൽ നിന്ന് പോലീസ് മൊഴിയെടുത്തു. ഇപ്പോൾ കോട്ടയം മഹിളാമന്ദിരത്തിലാണുള്ളത്.