കൊച്ചി: ഗുരുവായൂർ ക്ഷേത്ര ദർശനത്തിനായി പ്രധാനമന്ത്രി നരേന്ദ്രമോദി വെള്ളിയാഴ്ച കേരളത്തിലെത്തും. വെള്ളിയാഴ്ച രാത്രി 11.35ന് കൊച്ചി വിമാനത്താവളത്തിലിറങ്ങുന്ന നരേന്ദ്ര മോദി എറണാകുളം ഗസ്റ്റ് ഹൌസിൽ വിശ്രമിക്കും. ശനിയാഴ്ച രാവിലെ 8.55ന് ഗസ്റ്റ് ഹൌസിൽനിന്നും പുറപ്പെട്ട് 9.15 കൊച്ചി നാവിക വിമാനത്താവളത്തിൽനിന്നുള്ള ഹെലികോപ്റ്ററിൽ ഗുരുവായൂരിലേക്ക് പോകും. ഗുരുവായൂർ ക്ഷേത്രത്തിലെ ദർശനത്തിനു ശേഷം 12.40ന് ഹെലികോപ്റ്ററിൽ കൊച്ചി അന്താരാഷ്ട്ര വിമാനത്താവളത്തിലെത്തും. തുടർന്ന് 1.55 വരെ എയർപ്പോർട്ട് ലോഞ്ചിൽ വിശ്രമിക്കും. 2 മണിക്ക് തിരികെ മടങ്ങും.
പ്രധാനമന്ത്രിയുടെ വരവോടനുബന്ധിച്ച് എറണാകുളം ജില്ലാ കളക്ടർ മുഹമ്മദ് വൈ സഫീറുള്ളയുടെ നേതൃത്വത്തിൽ കളക്ട്രേറ്റ് സ്പാർക്ക് ഹാളിൽ സുരക്ഷ വിലയിരുത്താനുള്ള യോഗം ചേർന്നു.
പ്രധാനമന്ത്രിയുടെ വരവോടനുബന്ധിച്ച് എറണാകുളം ജില്ലാ കളക്ടർ മുഹമ്മദ് വൈ സഫീറുള്ളയുടെ നേതൃത്വത്തിൽ കളക്ട്രേറ്റ് സ്പാർക്ക് ഹാളിൽ സുരക്ഷ വിലയിരുത്താനുള്ള യോഗം ചേർന്നു.