ഓടിക്കൊണ്ടിരിക്കവെ ബസിന് തീപിടിച്ചു: ഒഴിവായത് വന്‍ ദുരന്തം; വീഡിയോ

കോട്ടയ്ക്കല്‍: ഓടിക്കൊണ്ടിരിക്കവെ സ്വകാര്യ ബസിന് തീപിടിച്ചു. മഞ്ചേരിയില്‍ നിന്നു തിരൂരിലേക്കു പോകുകയായിരുന്ന ജോണീസ് ബസിനാണ് തീപിടിത്തം ഉണ്ടായത്. ഇന്നലെ രാവിലെ ഒമ്പതരയോടെയായിരുന്നു സംഭവം.

നിറയെ യാത്രക്കാരുമായി പോകുകയായിരുന്ന ബസിന്റെ മുന്‍ ടയറിന്റെ ഭാഗത്താണ് തീ പടര്‍ന്നത്. തീ ആളിപ്പടരുന്നത് ശ്രദ്ധയില്‍ പെട്ടതോടെ നടുറോഡില്‍ ബസ് നിര്‍ത്തി ക്ലീനറും കണ്ടക്ടറും യാത്രക്കാരെ ഇറക്കുകയായിരുന്നു. ഇതോടെ, വന്‍ ദുരന്തം ഒഴിവായി. തുടര്‍ന്ന്, നാട്ടുകാരും ബസ് ജീവനക്കാരും യാത്രക്കാരും ചേര്‍ന്ന് ബസില്‍ വെള്ളമൊഴിച്ച് തീ അണച്ചു. ആളപായമൊന്നും റിപ്പോര്‍ട്ട് ചെയ്തിട്ടില്ല.


കടപ്പാട്: News Live Kerala