മിനിമം ചാര്‍ജ്ജ് 10 രൂപ; സ്വകാര്യ ബസ്സുടമകള്‍ സമരത്തിന്

കൊച്ചി: ഇന്ധന വില കുതിച്ചുയരുന്ന സാഹചര്യത്തില്‍ മിനിമം ചാര്‍ജ്ജ് പത്ത് രൂപയാക്കണമെന്ന ആവശ്യവുമായി സ്വകാര്യ ബസ്സുടമകള്‍ സമരത്തിന്. ഈ മാസം 30നകം തീരുമാനമായില്ലെങ്കില്‍ സ്വകാര്യ ബസ്സുകള്‍ നിരത്തിലിറക്കില്ലെന്നാണ് ഇവർ മുന്നറിയിപ്പ് നൽകിയിരിക്കുന്നത്.

മിനിമം ചാര്‍ജ്ജ് ദൂരപരിധി അഞ്ച് കിലോമീറ്ററില്‍ നിന്നും പകുതിയായി കുറയ്ക്കണമെന്നാണ് മറ്റൊരു ആവശ്യം. ഡീസല്‍ വിലയില്‍ സബ്സിഡി അനുവദിക്കണമെന്ന ആവശ്യവും ബസ്സുടമകള്‍ ഉന്നയിക്കുന്നുണ്ട്.
മിനിമം ചാര്‍ജ്ജ് എട്ട് രൂപയായി വര്‍ധിപ്പിച്ചപ്പോള്‍ 62 രൂപയായിരുന്ന ഡീസല്‍ വില ഇപ്പോള്‍ 80 രൂപയിലെക്കടുക്കുകയാണ്. നികുതി ബഹിഷ്ക്കരണമടക്കമുള്ള കാര്യങ്ങള്‍ ബസ് ഉടമകള്‍ ആലോചിക്കുന്നുമുണ്ട്.