ന്യൂഡൽഹി: ലോക്സഭാ തെരഞ്ഞെടുപ്പിൽ ആലത്തൂര് മണ്ഡലത്തിൽ അട്ടിമറി വിജയം നേടിയ രമ്യ ഹരിദാസിനെ അഭിനന്ദിച്ച് വീഡിയോയുമായി എഐസിസി ജനറൽ സെക്രട്ടറി പ്രിയങ്ക ഗാന്ധി. ആലത്തൂര് എം പിയായ രമ്യ ഹരിദാസിന്റെ രാഷ്ട്രീയത്തിലേയ്ക്കുള്ള കടന്നുവരവും വളര്ച്ചയുമാണ് വീഡിയോയിൽ പറയുന്നത്. കേരളത്തിൽ നിന്നുള്ള ഒരേയൊരു വനിതാ എംപിയായ രമ്യ ഹരിദാസ് തങ്ങളുടെ അഭിമാനമാണെന്ന് പ്രിയങ്ക വീഡിയോയിൽ കുറിക്കുന്നു. ദിവസവേതനക്കാരനായ അച്ഛന്റെ മകളായ രമ്യയുടെ കഷ്ടത നിറഞ്ഞ ജീവിതത്തെപ്പറ്റി പറഞ്ഞു കൊണ്ടാണ് വീഡിയോ ആരംഭിക്കുന്നത്. 2011ൽ ഒരു ടാലന്റ് സെര്ച്ച് പരിപാടിയിലൂടെയാണ് രമ്യ ഹരിദാസ് കോൺഗ്രസ് അധ്യക്ഷൻ രാഹുൽ ഗാന്ധിയെ പരിചയപ്പെടുന്നതും രമ്യ കോൺഗ്രസ് നേതൃത്വത്തിലേയ്ക്ക് കടന്നു വരുന്നതും. മുതിര്ന്ന കോൺഗ്രസ് നേതാക്കളുടെ ഉള്പ്പെടെ എതിര്പ്പ് അവഗണിച്ചാണ് രമ്യ ഹരിദാസിന് ആലത്തൂരിൽ സീറ്റ് നല്കിയതെന്നും എന്നാൽ കേരളത്തിലെ ഒരേയൊരു വനിതാ എംപിയായ രമ്യ ഹരിദാസ് തങ്ങളുടെ അഭിമാനമാണെന്നും പ്രിയങ്ക ഗാന്ധി പറയുന്നു. രമ്യ പൊതുവേദിയിൽ രഘുപതി രാഘവ എന്ന ഗാനം ആലപിക്കുന്നതോടെയാണ് വീഡിയോ അവസാനിക്കുന്നത്.
ഫേസ്ബുക്ക് വഴിയാണ് പ്രിയങ്ക തന്റെ വീഡിയോ പങ്കുവെച്ചിരിക്കുന്നത്.
ഫേസ്ബുക്ക് വഴിയാണ് പ്രിയങ്ക തന്റെ വീഡിയോ പങ്കുവെച്ചിരിക്കുന്നത്.