എറണാകുളത്ത് പ്രബേഷനറി എസ്ഐ തൂങ്ങിമരിച്ച നിലയിൽ

കൊച്ചി: എറണാകുളം നോര്‍ത്ത് പോലീസ് പ്രബേഷനറി എസ്ഐയെ ഹോട്ടലിൽ തൂങ്ങിമരിച്ച നിലയിൽ കണ്ടെത്തി. തിരുവനന്തപുരം ഊരുട്ടമ്പലം ഗോവിന്ദമംഗലം നേലെതട്ടൻവിള വിജയഭവിനിൽ ടി ഗോപകുമാര്‍ (39)നെയാണ് ഞായറാഴ്ച രാവിലെ മരിച്ച നിലയിൽ കണ്ടെത്തിയത്. മരണകാരണം വ്യക്തമല്ല.

എറണാകുളം നോര്‍ത്ത് റെയിൽവേ സ്റ്റേഷന് സമീപമുള്ള സിൽവര്‍ സ്പൈസ് ഹോട്ടലിലെ മുറിയിലാണ് ഗോപകുമാറിനെ മരിച്ച നിലയിൽ കണ്ടെത്തിയത്. പരിശീലനത്തിനു ശേഷം ആറുമാസം മുൻപായിരുന്നു നോര്‍ത്ത് സ്റ്റേഷനിൽ ജോലിയ്ക്ക് പ്രവേശിച്ചത്. ഗോപകുമാറിന് ഭാര്യയും രണ്ട് കുട്ടികളുമുണ്ട്.

കഴിഞ്ഞ ദിവസം വകുപ്പ്തല പരിശീലന കോഴ്‌സിലും ഗോപകുമാര്‍ പങ്കെടുത്തിരുന്നു. കാണാതായതിനെത്തുടര്‍ന്ന് നടത്തിയ അന്വേഷണത്തിനിടെയിലാണ് ഞായറാഴ്ച രാവിലെ ഹോട്ടല്‍ മുറിയില്‍ മരിച്ച നിലയിൽ കണ്ടെത്തിയത്. ഉന്നത പൊലീസ് ഉദ്യോഗസ്ഥര്‍ സ്ഥലത്തെത്തി പരിശോധിച്ചു. ഗോപകുമാറിന്‍റെ ബന്ധുക്കളും എറണാകുളത്ത് എത്തിയിട്ടുണ്ട്.