നെയ്യാറ്റിന്‍കരയിൽ നടത്തി വന്ന സമരം അവസാനിപ്പിച്ചു

തിരുവനന്തപുരം: ലത്തീൻസഭ മേധാവി ആർച്ച് ബിഷപ്പ് സുസൈപാക്യവും മന്ത്രി കടകംപള്ളി സുരേന്ദ്രനും തമ്മിൽ നടത്തിയ ചർച്ചയെ തുടർന്ന് മൽസ്യത്തൊഴിലാളികൾ നടത്തി വന്ന സമരം പിൻവലിച്ചു. തൊഴിലാളികളുടെ ആവശ്യങ്ങൾ സർക്കാർ അംഗീകരിച്ചതോടെയാണ് സമരം പിൻവലിച്ചത്. പൊഴിയൂർ, പരുത്തിയൂർ എന്നീ പ്രദേശങ്ങളിൽ നിന്ന് മത്സ്യബന്ധനത്തിന് പോയി തിരികെയെത്താത്തവരെ കണ്ടെത്തണമെന്ന് ആവശ്യപ്പെട്ടായിരുന്നു സമരം.

ഐഎൻ എസ് സുജാത കൊച്ചിയിൽ നിന്ന് തെരച്ചിലിനായി തിരിച്ചു. മോർച്ചറി സൗകര്യമുള്ള കപ്പലാണിത്. മൃതദേഹങ്ങൾ സൂക്ഷിക്കാനുള്ള ബാഗുകൾ ബെംഗലൂരുവിൽ നിന്ന് എത്തിക്കും. മത്സ്യത്തൊഴിലാളികളെ തെരച്ചിലിനായി ഒപ്പം കൊണ്ടുപോകും. 10 പേർ കപ്പലിലും 5 പേർ ഹെലികോപ്റ്ററിലും തെരച്ചിലിനായി പോകും. തിരുവനന്തപുരം- കന്യാകുമാരി ദേശീയപാതയാണ് ഉപരോധിച്ചായിരുന്നു സമരം നടത്തിയത്.