പുതുവൈപ്പ് എല്‍പിജി ടെര്‍മിനല്‍; നിരോധനാജ്ഞ ലംഘിച്ച സമരക്കാരെ അറസ്റ്റു ചെയ്തു

കൊച്ചി: പുതുവൈപ്പിലെ എല്‍പിജി ടെര്‍മിനല്‍ നിര്‍മ്മാണത്തിനെതിരെ നാട്ടുകാരുടെ പ്രതിഷേധം കനക്കുന്നു. ടെര്‍മിനല്‍ നിര്‍മ്മാണ സ്ഥലത്തേക്ക് സമരക്കാര്‍ നിരോധനാജ്ഞ ലംഘിച്ചു. ഇതേതുടര്‍ന്ന് നടത്തിയ പ്രതിഷേധ മാര്‍ച്ചില്‍ പ്രതിഷേധക്കാരെ പോലീസ് അറസ്റ്റു ചെയ്തു നീക്കി.

Also Read: ജാർഖണ്ഡിൽ ഭരണ തുടർച്ചയില്ലെന്ന് സൂചന; എൻആർസി ട്വീറ്റുകൾ മുക്കി ബിജെപി

സ്ത്രീകളും കുട്ടികളുമടക്കം 200 ലധികം പേരാണ് മാര്‍ച്ചില്‍ പങ്കെടുത്തത്. നിരോധനാജ്ഞ ലംഘിച്ചാല്‍ ശക്തമായ നടപടികള്‍ ഉണ്ടാകുമെന്ന പോലീസ് മുന്നറിയിപ്പിനെ അവഗണിച്ചാണ് സമരസമിതി മാര്‍ച്ച് നടത്തിയത്. പ്രദേശവാസികളുടെ പ്രതിഷേധത്തെ തുടര്‍ന്ന് രണ്ടര വര്‍ഷമായി മുടങ്ങി കിടന്ന ടെര്‍മിനല്‍ നിര്‍മ്മാണം കഴിഞ്ഞ തിങ്കളാഴ്ചയാണ് പുനരാരംഭിച്ചത്. ഇതേതുടര്‍ന്ന്, എളങ്കുന്നപ്പുഴ പഞ്ചായത്ത് ഓഫീസിന് മുന്നില്‍ കഴിഞ്ഞ ദിവസം മുതല്‍ അനിശ്ചിതകാല സമരവും ആരംഭിച്ചിരുന്നു.

Also Read: യുപിയിൽ മരണം 11 ആയി; ഒരു തവണ പോലും വെടിവച്ചില്ലെന്ന് പോലീസ്

കഴിഞ്ഞ ഒമ്പത് വര്‍ഷമായി പദ്ധതിയുടെ 45 ശതമാനം മാത്രമാണ് പൂര്‍ത്തിയായത്. പുതുവൈപ്പിനിലെ ജനങ്ങളുമായി ഒത്തുതീര്‍പ്പിലെത്താന്‍ ഇന്ത്യന്‍ ഓയില്‍ കോര്‍പ്പറേഷനും സംസ്ഥാന സര്‍ക്കാരിനും സാധിച്ചിട്ടില്ല. റോഡ് മാര്‍ഗ്ഗം എല്‍പിജി എത്തിക്കുന്നതിലുള്ള അപകടസാധ്യത മുന്‍നിര്‍ത്തിയാണ് പദ്ധതി ആവിഷ്‌ക്കരിച്ചിരിക്കുന്നത്.

Also Read: ബിഹാറിൽ പോത്തുകളെ ഉപയോഗിച്ച് ഹൈവേ തടഞ്ഞ് ആർജെഡി; ബന്ദ് പുരോഗമിക്കുന്നു