കോടതി തീരുമാനത്തെ സ്വാഗതം ചെയ്ത് ശ്രീധരൻ പിള്ള

തിരുവനന്തപുരം: ശബരിമല റിവ്യൂ പെറ്റീഷൻ തുറന്ന കോടതിയിൽ വാദം കേൾക്കാമെന്ന സുപ്രീം കോടതി തീരുമാനത്തെ സ്വാഗതം ചെയ്ത് ബിജെപി സംസ്ഥാന അധ്യക്ഷൻ പി.എസ്.ശ്രീധരൻ പിള്ള. വിശ്വാസികളുടെ വികാരം ഉൾക്കൊണ്ടാണ് ഈ തീരുമാനം വന്നത്.

അത്യപൂർവമായ കേസുകളിൽ മാത്രമേ റിവ്യൂ ഹർജികൾ പരിഗണിക്കുകയുള്ളൂ. കാതലായ കാര്യങ്ങൾ കേൾക്കാനുണ്ട് എന്നതിനാലാണ് റിവ്യൂ ഹർജി പരിഗണിക്കാൻ കോടതി തയ്യാറായിട്ടുള്ളത്. തിരക്ക് പിടിച്ച് വിധി നടപ്പാക്കാൻ ഇറങ്ങിത്തിരിച്ചവർക്കുള്ള തിരിച്ചടിയാണിത്.

വിശ്വാസികളെ ചതിക്കുന്ന നിലപാടാണ് കേരള സർക്കാർ സ്വീകരിച്ചത്. കൊടും ചതിയാണ് സിപിഎമ്മും ഇടതുഭരണകൂടവും ചെയ്തതത്. വിധി നടപ്പാക്കുന്നത് മാറ്റി വെക്കണമെന്നാണ് ബിജെപിയുടെ ആവശ്യമെന്നും ശ്രീധരൻ പിള്ള പ്രതികരിച്ചു.