പിഎസ്‍‍സി പരീക്ഷ കൺഫമേഷൻ 20ന് അവസാനിക്കുന്നു

തിരുവനന്തപുരം: ജൂൺ ഒൻപതിനു നടക്കാനിരിക്കുന്ന കമ്പനി, കോ‍‍ര്‍പ്പറേഷൻ, ബോര്‍ഡ് അസിസ്റ്റൻ്റ് തസ്തികയിലേയ്ക്കുള്ള പിഎസ്‍‍സി പരീക്ഷ കൺഫേം ചെയ്യേണ്ടത് 20ന്. എന്നാൽ നാല് കാറ്റഗറികളിലായി 6.70 പേരിൽ കൺഫമേഷൻ നല്‍കിയിരിക്കുന്നത് ഇതുവരെ നാലേകാൽ ലക്ഷത്തോളം പേര്‍ മാത്രം. കൺഫമേഷൻ നല്‍കാത്തവരുടെ അവസരം നഷ്ടമാകും.

നിശ്ചിത തീയതിയ്ക്കുള്ളിൽ ഒറ്റത്തവണ രജിസ്ട്രേഷൻ വഴി കൺഫമേഷൻ നല്‍കാത്തവരുടെ അവസരമാണ് നഷ്ടമാകുക.

ഇതോടൊപ്പം പിആര്‍ഡിയിൽ അസിസ്റ്റന്‍റ് ഇൻഫര്‍മേഷൻ ഓഫീസര്‍, ഇലക്ട്രിക്കൽ ആന്‍ഡ് അലൈഡ് എൻജിനീയറിങ് കമ്പനയിൽ ജൂനിയര്‍ അസിസ്റ്റന്‍റ് എന്നിവയുടെ പരീക്ഷയുടെ ഇതോടൊപ്പം നടക്കുന്നുണ്ട്. ഇതിലേക്ക് എഴുപതിനായിരത്തോളം പേർ അപേക്ഷിച്ചിട്ടുണ്ട്.