തൃക്കാക്കരയിൽ ബെന്നി ബെഹനാന്‍ മല്‍സരിക്കില്ല

തൃക്കാക്കരയിൽ കോണ്‍ഗ്രസ് നേതാവ് ബെന്നി ബെഹനാന്‍ മല്‍സരിക്കില്ല. മല്‍സരിക്കുന്നില്ലെന്ന് പിന്മാറുകയാണെന്ന് ബെന്നി ബെഹനാന്‍ അറിയിച്ചു. കെപിസിസി പ്രസി‍ഡന്റിനു താല്‍പ്പര്യമില്ലാതെ താന്‍ മല്‍സരിക്കില്ല. സുധീരന്‍ മറ്റുപേരുകള്‍ നിര്‍ദേശിച്ചതാണ് തര്‍ക്കത്തിനു കാരണം. ഹൈക്കമാന്‍ഡ് ഉള്‍പ്പെടെയുള്ള നേതാക്കന്മാരെ വിവരം അറിയിച്ചുവെന്നും ബെന്നി പറഞ്ഞു.

തൃക്കാക്കരയില്‍ പി.ടി.തോമസ് സ്ഥാനാര്‍ഥിയായേക്കുമെന്നാണ് സൂചന. കോണ്‍ഗ്രസിന്‍റെ സമ്ബൂര്‍ണ സ്ഥാനാര്‍ഥിപ്പട്ടിക എഐസിസി ഇന്ന് പ്രഖ്യാപിക്കുമെന്നാണ് പ്രതീക്ഷ. കെ.ബാബു, അടൂര്‍പ്രകാശ്, കെ.സി.ജോസഫ്, ഡൊമനിക് പ്രസന്റേഷന്‍ എന്നിവരെ മത്സരിപ്പിക്കാന്‍ ഹൈക്കമാന്‍ഡ് തീരുമാനിച്ചു. ബെന്നി ബെഹനാന്നെ അനുകൂലിച്ച് കൊച്ചിയിൽ പ്രകടനം നടന്നു.