പള്‍സര്‍ സുനിക്ക് നടിയെ അക്രമിച്ച ദൃശ്യങ്ങള്‍ കാണാന്‍ അനുമതി

കൊച്ചി: കൊച്ചിയിൽ നടിയെ അക്രമിച്ച കേസില്‍ പള്‍സര്‍ സുനിക്ക് നടിയെ അക്രമിച്ച ദൃശ്യങ്ങള്‍ കാണാന്‍ അനുമതി നൽകി. കേസിലെ നിര്‍ണായക തെളിവായ വീഡിയോ ദൃശ്യങ്ങള്‍ കാണാന്‍ അനുവദിക്കണമെന്ന പള്‍സര്‍ സുനിയുടെ ആവശ്യം അനുവദിക്കാൻ ആകുന്നതാണെന്ന് കോടതി വ്യക്തമാക്കി. വിചാരണയ്ക്ക് വനിതാ ജഡ്ജി വേണമെന്ന അക്രമിക്കപ്പെട്ട നടിയുടെ ഹര്‍ജിയില്‍ ജൂൺ 18നാണ് വിധി പറയുക. കേസിലെ എല്ലാ രേഖകളും വേണമെന്നാവശ്യപ്പെട്ട് ദിലീപ് സമര്‍പ്പിച്ച ഹ‍ര്‍ജിയിലും വാദം പൂര്‍ത്തിയാക്കിയിട്ടുണ്ട്.

ദിലീപിന് 16 രേഖകളും ഫോറന്‍സിക് പരിശോധനാ ദൃശ്യങ്ങളുടെ പകര്‍പ്പും പോലീസ് കൈമാറി. കേസിലെ പ്രതികളും അഭിഭാഷകരുമായ പ്രതീഷ് ചാക്കോ, രാജു എന്നിവരുടെ വിടുതല്‍ ഹര്‍ജിയിലും കോടതി വാദം പൂര്‍ത്തിയാക്കി.