17 വ‍ർഷമായി കൊച്ചിയിൽ മോഷണം നടത്തിയ ഷിമ്പന്‍ അറസ്റ്റിൽ

കൊച്ചി: പശ്ചിമ കൊച്ചിയിലെ വിവിധ പോലീസ് സ്റ്റേഷനുകളില്‍ മോഷണ,പോക്കറ്റടി കേസുകളിലെ പിടികിട്ടാപ്പുള്ളിയെ സെൻട്രൽ പോലീസ് അറസ്റ്റ് ചെയ്തു. പള്ളുരുത്തി പുല്ലാര്‍ ദേശത്ത് ചിറപ്പുറത്ത് വീട്ടില്‍ ഷിമ്പന്‍ എന്നു വിളിക്കുന്ന 47 വയസ്സുള്ള സ്റ്റീഫനെയാണ് സെന്ട്രകല്‍ പോലീസ് അറസ്റ്റ് ചെയ്തത്.

1997 നവംബര്‍ മാസം 8-ാം തിയതി എറണാകുളം എം.ജി.റോഡില്‍ വച്ച് പകല്‍ 12.30 മണിക്ക് സ്വകാര്യബസ്സില്‍ യാത്ര ചെയ്തിരുന്ന വൈറ്റില കാച്ചപ്പിള്ളി റോഡില്‍ H No. 31/ 608 (1) നമ്പര്‍ വീട്ടില്‍ കെ.ജി.വേലപ്പന്‍ നായര്‍ എന്നയാളുടെ പ്ലാസ്റ്റിക് ബാഗില്‍ സൂക്ഷിച്ചിരുന്ന 25000 /- രൂപ കീറി മോഷണം ചെയ്തതിന് സെന്ട്ര ല്‍ പോലീസ് കേസ്സ് റജിസ്റ്റര്‍ ചെയ്തിരുന്നു. അറസ്റ്റിലായ ശേഷം ജാമ്യത്തിലിറങ്ങിയ ശേഷം വരാപ്പുഴ ,ചേരാനല്ലൂര്‍ ഭാഗങ്ങളില്‍ വാടകയ്ക്ക് താമസിച്ചു വരികയായിരുന്നു. പിന്നീടും ഇയാൾ നിരവധി മോഷണങ്ങൾ നടത്തി. പ്രതിയെ എറണാകുളം ശിവക്ഷേത്രത്തിന് സമീപമുള്ള ഹോട്ടലില്‍ നിന്നാണ് അറസ്റ്റ് ചെയ്തത്

എറണാകുളം റേഞ്ച് ഐ.ജിയുടെ ഓപ്പറേഷന്‍ മൺസൂണിന്‍റെ ഭാഗമായി എറണാകുളം അസിസ്റ്റന്റ് കമ്മീഷണര്‍ കെ.ലാൽജിയുടെ നി‍‍ർദ്ദേശാനുസരണം സെൻട്രല്‍ എസ്.ഐ ജോസഫ് സാജന്‍ സിവില്‍ പോലീസ് ഓഫീസർമാരായ ജയപ്രസാദ്, റെജിമോന്‍ എന്നിവര്‍ ചേ‍‍ർന്നാണ് അറസ്റ്റ് ചെയ്തത്.

purse snatcher

purse snatcher arrested in kochi.