സമരത്തിനെത്തിയെ കുട്ടികളുടെ മാതാപിതാക്കൾക്കെതിരെ കേസ്

വൈപ്പിൻ: പുതുവൈപ്പിനിൽ ഐഒസിയുടെ എൽപിജി ടെർമിനലിനെതിരെയുള്ള സമരത്തിൽ പ്രായപൂർത്തിയാകാത്ത കുട്ടികളെ പങ്കെടുപ്പിച്ചതിന് മാതാപിതാക്കൾക്കെതിരെ പോലീസ് കേസെടുത്തു. സമരത്തിൽ പങ്കെടുക്കാൻ എത്തിയ ആറ് കുട്ടികളുടെ മാതാപിതാക്കൾക്കെതിരെ കേസുടുത്തു. ഇവരുടെ അറസ്റ്റ് രേഖപ്പെടുത്തി പിന്നീട് ഇവരെ ജാമ്യത്തിൽ വിട്ടു. ജുവനൈൽ ആക്‌ട് പ്രകാരമാണ് മുളവുകാട് പോലീസ് കേസെടുത്തത്.

ഇത് അതിജീവന സമരമാണെന്നും പദ്ധതി പ്രദേശത്തെ നിവാസികളാണ് സമരത്തിൽ പങ്കെടുക്കുന്നവരെന്നും സമരസമിതി പ്രതികരിച്ചു. വെള്ളിയാഴ്‌ച രാവിലെ കുട്ടികളുമായി എത്തിയ മാതാപിതാക്കൾക്ക് എതിരെ പോലീസ് നടപടിയെടുത്തെങ്കിലും ഉന്നത പോലീസ് ഉദ്യോഗസ്ഥർ ഇടപെട്ട് കേസ് ഒഴിവാക്കിയെന്നും റിപ്പോർട്ടുണ്ട്.

കുട്ടികൾ എന്ന പരിഗണന പോലുമില്ലാതെയാണ് പോലീസ് അവരെ ലാത്തികൊണ്ട് നേരിട്ടതെന്ന് സമരസമിതി അറിയിച്ചു. ബുധനാഴ്‌ച ആരംഭിച്ച പ്രക്ഷോഭം ശക്തമായതോടെ അഞ്ച് കേസുകളിലായി ഇത് വരെ 1104 പേർക്കെതിരെ പോലീസ് കേസെടുത്തു.

Puthuvaippin: Case against parents of kids who came for protest

Police charged case against parents who took children for protest