വൈപ്പിനിൽ നാളെ ഹർത്താൽ: മുഖ്യമന്ത്രി ചർച്ചക്ക് വിളിച്ചു

കൊച്ചി: പുതുവൈപ്പ് എൽപിജി ടെർമിനലിനെതിരെ നടത്തിയ സമരത്തിനിടെ സംഘർഷമുണ്ടായതിനെ തുടർന്ന് നാളെ വൈപ്പിനിൽ ഹർത്താൽ. കോൺഗ്രസാണ് നാളെ ഹർത്താലിന് ആഹ്വാനം ചെയ്‌തിരിക്കുന്നത്‌. സമരക്കാരെ പിരിച്ചു വിടാനായി പോലീസ് നടത്തിയ ലാത്തിച്ചാർജിൽ നിരവധി പേർക്ക് പരിക്കേറ്റിരുന്നു. പോലീസും നാട്ടുകാരും ഏറ്റുമുട്ടിയതോടെയാണ് സമരം സംഘർഷത്തിൽ കലാശിച്ചത്.

അതിനിടെ, സമരം ഒത്തുതീർപ്പാക്കുന്നതിന് മുഖ്യമന്ത്രി തിരുവനന്തപുരത്ത് യോഗം വിളിച്ചു. ഈ മാസം 21 ന് രാവിലെ പതിനൊന്ന് മണിക്ക് തിരുവനന്തപുരത്ത് വെച്ചാണ് സമരക്കാരും മുഖ്യമന്ത്രിയും തമ്മിൽ ചർച്ച. സമരക്കാരെ പോലീസ് കായികമായി നേരിടുന്നതിനെതിരെ വ്യാപക പ്രതിഷേധം ഉയർന്നിട്ടുണ്ട്.

puthuvype: Hartal in vypin tomorrow

Congress declared hartal in Puthuvypeen tomorrow. CM called for meet with the protestors