പുതുവൈപ്പ് സമരം ശക്തമാക്കാന്‍ ജനകീയ സമിതി

കൊച്ചി: ഒരാഴ്‍ചയ്‍ക്കുശേഷം പുതുവൈപ്പ് എല്‍പിജി ടെര്‍മിനല്‍ വിരുദ്ധ സമരം വീണ്ടും സജീവമാകുന്നു. കൂടുതല്‍ ശക്തമായി സമരം തുടരാന്‍ എല്‍പിജി വിരുദ്ധ ജനകീയ സമിതി തീരുമാനിച്ചു. ഇതിന്‍റെ ഭാഗമായി ഇന്ന് ഹൈക്കോടതി ജങ്‍ഷനില്‍ എട്ട് മണിക്കൂര്‍ നീളുന്ന പ്രതിഷേധ സംഗമം നടത്തും.

രാവിലെ 10 മുതല്‍ വൈകീട്ട് ആറു വരെയാണ് പ്രതിഷേധ സംഗമം നടക്കുക. പുതുവൈപ്പ് എളങ്കുന്നപ്പുഴ പഞ്ചായത്തുകളിലെ ജനങ്ങള്‍ സംഗമത്തില്‍ പങ്കെടുക്കും.

അതിനിടെ, പുതുവൈപ്പിലെ എല്‍പിജി ടെര്‍മിനലിനെപ്പറ്റി ഇന്ത്യന്‍ ഓയില്‍ കോര്‍പ്പറേഷന്‍ നല്‍കിയ മുഴുനീള പത്രപ്പരസ്യം തെറ്റിദ്ധാരണാ ജനകമാണെന്ന് സമരസമിതി ആരോപിച്ചു. തെറ്റിദ്ധാരണ പരത്തി ജനങ്ങളെ പുതുവൈപ്പുകാര്‍ക്ക് എതിരാക്കാനുള്ള തന്ത്രമാണ് ഐഒസിയുടേതെന്ന് അവര്‍ ആരോപിച്ചു.

Puthuvype protest to continue

Public action committee has decided to strengthen protest against IOC LPG plant.