SSLC: വിജിലൻസ് അന്വേഷണത്തിന് സർക്കാർ ഉത്തരവിട്ടു

തിരുവനന്തപുരം : എസ്എസ്എല്‍സി കണക്ക് പരീക്ഷ ക്രമക്കേടിനെതുടർന്ന് വിജിലന്‍സ് അന്വേഷണത്തിന് സര്‍ക്കാര്‍ ഉത്തരവിട്ടു. പരീക്ഷയിലെ ചോദ്യങ്ങളിൽ ചിലത് സ്വകാര്യ ടൂഷന്‍ സെന്ററുകൾ പുറത്തിറക്കിയ ചോദ്യങ്ങളുമായി സമാനത കണ്ടെത്തിയ സംഭവത്തെതുടർന്നാണ് അന്വേഷണത്തിന് സര്‍ക്കാര്‍ ഉത്തരവിട്ടത്. പൊതുവിദ്യാഭ്യാസ സെക്രട്ടറി ഡോ. ഉഷാ ടൈറ്റസ് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് ഉത്തരവെന്ന് വിദ്യാഭ്യാസമന്ത്രി സി രവീന്ദ്രനാഥിന്റെ ഒാഫീസ് പത്രക്കുറിപ്പിൽ അറിയിച്ചു.

നിയമം ലംഘിച്ച് അദ്ധ്യാപകർ സ്വകാര്യ ട്യൂഷൻ എടുക്കുന്നതിൽ സർക്കാർ കർശന നടപടി സ്വീകരിമെന്നും മന്ത്രി അറിയിച്ചു. അദ്ധ്യാപകർ സ്വകാര്യ ട്യൂഷൻ എടുക്കാൻ പാടില്ലാ എന്ന് നിഷ്കർഷിച്ചിട്ടുണ്ട്. സംസ്ഥാനത്തിന്റെ പലഭാഗങ്ങളിലും ഈ നിയമം ലംഘിക്കപ്പെടുന്നതായി സർക്കാരിന്റെ ശ്രദ്ധയിൽ പെട്ടിട്ടുണ്ട്. ഈ നിബന്ധന പാലിക്കാത്തവർക്കെതിരെ സർക്കാർ കർശന നടപടി സ്വീകരിക്കുന്നതാണെന്ന് വിദ്യാഭ്യാസ മന്ത്രി അറിയിച്ചു.

SSLC Question paper leak: Vigilance probe ordered
Govt ordered Vigilance probe into question paper leak in the recently concluded SSLC examination