ശബരിമലക്ക് വേണ്ടി പോരാടുമെന്ന് രാഹുല്‍ ഈശ്വര്‍

തിരുവനന്തപുരം: ശബരിമലക്ക് വേണ്ടി പോരാടാന്‍ ഉറച്ച് നില്‍ക്കുമെന്ന് രാഹുല്‍ ഇൗശ്വര്‍. സ്ത്രീ പ്രവേശന വിധിക്കെതിരെ റിവ്യൂ പെറ്റീഷന്‍ ഫയല്‍ ചെയ്യുമെന്നും രാഹുല്‍ ഈശ്വര്‍ വ്യക്തമാക്കി.

ആദ്യ നടപടി എന്ന രീതിയില്‍ അടുത്ത മാസം 14, 15 തീയതികളില്‍ ശബരിമലയില്‍ പ്രാര്‍ത്ഥനാ യജ്ഞം സംഘടിപ്പിക്കുമെന്നും അതുപോലെ അയ്യപ്പ ഭക്ത സംഘടകള്‍, ഹിന്ദു സാമുദായിക സംഘടനകളെ ഏകോപിപിച്ച് നടപടിയുമായി മുന്നോട്ടുപോകും. ജെല്ലിക്കെട്ട് മോഡലിലുള്ള ഒരു സമരം പോലെ ഇതിനുവേണ്ടി പോരാടുമെന്നും രാഹുല്‍ ഈശ്വര്‍ അഭിപ്രായപ്പെട്ടു.

ശബരിമലയില്‍ അതിക്രമിച്ചു കടക്കുന്നവരെ വിശ്വാസികള്‍ പ്രതിരോധിക്കുമെന്നാണ് പല ഭക്തജന സംഘടനകളും പറയുന്നതെന്നും രാഹുല്‍ ചൂണ്ടിക്കാട്ടി. ഫേസ്ബുക്ക് ലൈവിലൂടെയാണ് രാഹുല്‍ ഇക്കാര്യങ്ങള്‍ പറഞ്ഞത്.