തീവണ്ടികളില്‍ ഇനി ലേഡീസ് ഒണ്‍ലി കോച്ചുകളില്ല

തിരുവനന്തപുരം: തീവണ്ടികളില്‍ സ്രീകള്‍ക്ക് മാത്രമായുള്ള പ്രത്യേക കോച്ചുകള്‍ റെയില്‍വേ പിന്‍വലിക്കുന്നു. ദീര്‍ഘദൂര ട്രെയിനുകളിലെ ലേഡീസ് ഒണ്‍ലി കോച്ചുകളാണ് ആദ്യഘട്ടത്തില്‍ നിര്‍ത്തലാക്കുന്നത്. പ്രത്യേക കോച്ചുകള്‍ക്ക് പകരം ജനറല്‍ കോച്ചുകളില്‍ തന്നെ സ്ത്രീകള്‍ക്ക് സീറ്റ് സംവരണം ചെയ്യാനാണ് തീരുമാനം. ബസുകളിലേത് സമാനമായി സ്ത്രീകള്‍ എന്ന് അടയാളപ്പെടുത്തിയായിരിക്കും സീറ്റ് സംവരണം ചെയ്യുക.

കോച്ചുകളുടെ അഭാവമാണ് സീറ്റ് സംവരണമെന്ന പുതിയ രീതിയിലേക്ക് മാറാന്‍ റെയില്‍വേയെ പ്രേരിപ്പിച്ചത്. കൊച്ചുവേളി-ബംഗളൂരു, തിരുവനന്തപുരം -ചെന്നൈ മെയില്‍ എന്നീ ട്രെയിനുകളിലാണ് ആദ്യഘട്ടമെന്നോണം പുതിയ ക്രമീകരണം നടപ്പാക്കിയിരിക്കുന്നത്. പിന്നാലെ മറ്റ് ട്രെയിനുകളിലും ഇത് നടപ്പിലാക്കും. ടിക്കറ്റ് പരിശോധിക്കുന്ന ഉദ്യോഗസ്ഥരും റെയില്‍വേ സംരക്ഷണ സേനയും സ്ത്രീകള്‍ക്ക് സീറ്റുകള്‍ ഉറപ്പുവരുത്തും.