ന്യൂഡൽഹി: പ്രധാനമന്ത്രി നരേന്ദ്ര മോദിക്ക് പ്രതിപക്ഷ നേതാവ് രമേശ് ചെന്നിത്തലയുടെ വെല്ലുവിളി. കേരളത്തിൽ മത്സരിക്കാൻ മോദി തയ്യാറാണോയെന്ന് രമേശ് ചെന്നിത്തല ചോദിച്ചു. ത്രിപുരയല്ല കേരളമെന്ന് പ്രധാനമന്ത്രി മനസിലാക്കണം. ഇവിടെ ആവർത്തിക്കാൻ പോകുന്നത് മധ്യപ്രദേശാണെന്നും ചെന്നിത്തല പറഞ്ഞു. നരേന്ദ്രമോദി കേരളത്തിന്റെ കാലാവസ്ഥ മനസിലാക്കാതെ പറഞ്ഞതാണ്. കേരളത്തിന്റെ മണ്ണിന്റെ ഗുണം മോദിക്ക് അറിയില്ല. അതുകൊണ്ടാണ് കേരളത്തിൽ ത്രിപുര ആവർത്തിക്കുമെന്ന് മോദി പറഞ്ഞത്. കേരളത്തിലെ മതേതര വിശ്വാസികളായ ജനങ്ങൾ ബിജെപിക്കോ ആർഎസ്എസിനോ വോട്ട് ചെയ്യില്ലെന്നും ചെന്നിത്തല കൂട്ടിച്ചേർത്തു.
അതേസമയം സംഘടനാ ചുമതലയുള്ളവർ ലോക്സഭാ തെരഞ്ഞെടുപ്പിൽ മത്സരിക്കണമോയെന്നകാര്യത്തിൽ ഹൈക്കമാന്റ് തീരുമാനമെടുക്കുമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ പറഞ്ഞു. എഐസിസി ജനറൽ സെക്രട്ടറി മുകുൾ വാസ്നിക്കുമായുള്ള കൂടിക്കാഴ്ചയ്ക്ക് മുമ്പായിരുന്നു മുല്ലപ്പള്ളിയുടെ പ്രതികരണം. കേരളത്തിലെ സ്ഥാനാർത്ഥി നിർണ്ണയം ഫെബ്രുവരി 20നകം പൂർത്തിയാകുമെന്നും മുല്ലപ്പള്ളി വ്യക്തമാക്കി.
അതേസമയം സംഘടനാ ചുമതലയുള്ളവർ ലോക്സഭാ തെരഞ്ഞെടുപ്പിൽ മത്സരിക്കണമോയെന്നകാര്യത്തിൽ ഹൈക്കമാന്റ് തീരുമാനമെടുക്കുമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ പറഞ്ഞു. എഐസിസി ജനറൽ സെക്രട്ടറി മുകുൾ വാസ്നിക്കുമായുള്ള കൂടിക്കാഴ്ചയ്ക്ക് മുമ്പായിരുന്നു മുല്ലപ്പള്ളിയുടെ പ്രതികരണം. കേരളത്തിലെ സ്ഥാനാർത്ഥി നിർണ്ണയം ഫെബ്രുവരി 20നകം പൂർത്തിയാകുമെന്നും മുല്ലപ്പള്ളി വ്യക്തമാക്കി.