മത്സ്യബന്ധന ബോട്ടില്‍ പീഡനം; പ്രതി പിടിയില്‍

കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ എറണാകുളത്ത് നിന്നും മുനമ്പത്ത് എത്തിച്ച് പീഡനം നടത്തിയ കേസില്‍ യുവാവ് പിടിയില്‍. തിരുവനന്തപുരം വളളനാട് സ്റ്റേഡിയം റോഡില്‍ സൂര്യ ഭവനില്‍ വിനോദ് കുമാര്‍(19) ആണ് അറസ്റ്റിലായത്. പെണ്‍കുട്ടിയുടെ വീട്ടുകാര്‍ നല്‍കിയ പരാതിയില്‍ ആലുവ ഡി.വൈ.എസ്.പി എന്‍.ആര്‍ ജയരാജിന്റെ നേതൃത്വത്തില്‍ മുനമ്പം എസ്.ഐ ടി..വി. ഷിബുവും സംഘവും തിരുവനന്തപുരത്ത് നിന്നുമാണ് ഇയാളെ പിടികൂടിയത്.

പെണ്‍കുട്ടിയെ ഫേസ്ബുക്ക് വഴിയാണ് പ്രതി പരിചയപ്പെട്ടത്, തുടര്‍ന്ന് പ്രതി പെണ്‍കുട്ടിയെ വശീകരിച്ച് കൊണ്ട് വന്ന് പളളിപ്പുറം പളളിക്ക് സമീപം പുഴയരികില്‍ കിടന്ന ഒരു മത്സ്യ ബന്ധന ബോട്ടില്‍ വെച്ചും മുനമ്പത്തെ ഒരു ആള്‍താമസമില്ലാത്ത വീട്ടില്‍ വെച്ചും, പീഡനം നടത്തുകയായിരുന്നു. അന്വേഷണ സംഘത്തില്‍ എ.എസ്.ഐ രാജീവ്, എസ്.സി.പി.ഒ മാരായ ശിവദാസ്, സി.പി.ഒ സുബി, എന്നിവരുമുണ്ടായിരുന്നു. പ്രതിയെ ഞാറക്കല്‍ ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കി റിമാന്‍ഡ് ചെയ്തു.