സോളാര്‍ പീഡനക്കേസ് എറണാകുളത്തെ പ്രത്യക കോടതിയിലേക്ക്

കൊച്ചി: സോളാര്‍ തട്ടിപ്പ് കേസ് പ്രതി സരിത എസ് നായര്‍ മുന്‍ മുഖ്യമന്ത്രി ഉമ്മന്‍ ചാണ്ടിക്കും കെസി വേണുഗോപാല്‍ എംപിക്കുമെതിരെ നല്‍കിയ പീഡനക്കേസ് എറണാകുളത്തെ പ്രത്യേക കോടതിയിലേക്ക് മാറ്റി. ജനപ്രതിനിധികള്‍ക്കെതിരായ കേസുകള്‍ പരിഗണിക്കുന്ന പ്രത്യേക കോടതിയിലേക്കാണ് കേസ് മാറ്റിയിരിക്കുന്നത്.

രണ്ട് ദിവസം മുമ്പാണ് സരിതയുടെ പരാതിയില്‍ പ്രാഥമിക അന്വേഷണം പൂര്‍ത്തിയാക്കി പൊലീസ് ഉമ്മന്‍ ചാണ്ടിക്കും വേണുഗോപാലിനുമെതിരെ കേസെടുത്തത്. 2012ല്‍ ഇവര്‍ രണ്ടുപേരും തിരുവനന്തപുരത്ത് വെച്ച് പീഡിപ്പിച്ചെന്നാണ് സരിതയുടെ മൊഴി. എന്നാല്‍ കോണ്‍ഗ്രസ് ഉമ്മന്‍ ചാണ്ടിക്കും കെസി വേണുഗോപാലിനും പൂര്‍ണ പിന്തുണ നല്‍കി രംഗത്തെത്തിയിരുന്നു.