രഥയാത്രകള്‍ കോടതിയോടുള്ള വെല്ലുവിളിയെന്ന് ജ. കെമാല്‍പാഷ

പാലക്കാട്: ആചാരസംരക്ഷണത്തിന്‍റെ പേരില്‍ ബിജെപിയും കോണ്‍ഗ്രസും നടത്തുന്ന രഥയാത്രകള്‍ സുപ്രീംകോടതിയോടുള്ള വെല്ലുവിളിയെന്ന് ജസ്റ്റിസ് ബി കെമാല്‍പാഷ. പാലക്കാട് നടന്ന പരിപാടിയില്‍ മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു കെമാല്‍പാഷ.

ആചാരങ്ങളെ സംരക്ഷിക്കാനെന്ന പേരില്‍ തീര്‍ച്ചയായും പരമോന്നത നീതി പീഠത്തോടുള്ള വെല്ലുവിളിയാണിത്. ആചാരങ്ങളെ രക്ഷിക്കാനാണ് രഥയാത്ര നടത്തുന്നതെന്ന് അവരക്‍ പറയുന്നു. എന്നാല്‍ ഇത്തരത്തിലുള്ള ആചാരങ്ങളില്‍ ഇല്ലെന്നും ഇതു ശരിയല്ലെന്നും ജാഥ നടത്തുന്നവര്‍ക്ക് അറിയാമെന്ന് അദ്ദേഹം വ്യക്തമാക്കി.

വിശ്വസത്തിനെതിരെ സുപ്രിംകോടതി നിലപാടെടുത്തെന്ന് പ്രചരിപ്പിച്ചാണ് ഇവര്‍ രംഗത്തെത്തിയിരിക്കുന്നത്. ഇത് സുപ്രീംകോടതി വിധിയുടെ ലംഘനമാണ്. ഏത് വിശ്വസിയുടെ ആചാരമാണ് ഇവര്‍ സംരക്ഷിക്കാന്‍ പോകുന്നതെന്നും കെമാല്‍പാഷ ചോദിച്ചു.