ഇതറിയാതെ റേഷൻ കടകളിലേക്ക് പോകരുതേ; പ്രവർത്തന സമയത്തിൽ മാറ്റം, പുതിയ ക്രമീകരണമറിയാം

തിരുവനന്തപുരം: കേരളത്തിൽ ഉയർന്ന താപനില തുടരുന്നതിനാൽ റേഷൻ കടകളുടെ പ്രവർത്തന സമയത്തിൽ മാറ്റം. സംസ്ഥാനത്ത് ഉഷ്ണതരംഗ സാധ്യത വർധിച്ചതിനാൽ റേഷൻകടകളുടെ പ്രവർത്തന സമയം രാവിലെ എട്ടു മുതൽ 11വരെയും വൈകിട്ട് നാലുമുതൽ എട്ടുവരെയുമാക്കി ക്രമീകരിച്ചു. ഈ മേഖലകളിൽ കറൻ്റ് പോകും; കേരളത്തിൽ വൈദ്യുതി നിയന്ത്രണം ആരംഭിച്ചു, സർക്കുലർ പുറത്തിറക്കി
പൊതുവിതരണ ഉപഭോക്തൃകാര്യ കമ്മീഷണറാണ് സംസ്ഥാനത്തെ റേഷൻ കടകളുടെ പ്രവർത്തന സമയത്തിലെ മാറ്റം അറിയിച്ചത്.
മെയ്യ് മാസത്തെ റേഷൻ വിതരണം തിങ്കളാഴ്ച (06.05.2024) മുതൽ ആരംഭിക്കാനിരിക്കെയാണ് സമയക്രമത്തിൽ മാറ്റമുണ്ടായത്.
ഏപ്രിൽ മാസത്തെ വിതരണത്തിന് ശേഷം മെയ് നാല് (ശനി), അഞ്ച് (ഞായർ) തീയതികളിൽ റേഷൻ കടകൾക്ക് അവധിയായിരിക്കുമെന്ന് ഉപഭോക്തൃകാര്യ കമ്മീഷണർ കഴിഞ്ഞ ദിവസം അറിയിച്ചിരുന്നു.


സംസ്ഥനത്ത് താപനില ഉയർന്ന തോതിൽ തുടരുന്നതിനാൽ നിയന്ത്രണങ്ങൾ ശക്തമാണ്. ഉഷ്ണതരംഗ സാഹചര്യം കണക്കിലെടുത്ത് പ്രൊഫഷണല്‍ കോളേജുകള്‍ ഉള്‍പ്പെടെയുള്ള എല്ലാ വിദ്യാഭ്യാസസ്ഥാപനങ്ങള്‍ക്കും മെയ് ആറുവരെ പൊതു അവധിയാണ്. മുന്‍കൂട്ടി നിശ്ചയിച്ച പരീക്ഷകള്‍ക്ക് മാറ്റമുണ്ടായിരിക്കില്ല.

സ്കൂൾ വിദ്യാർഥികളുടെ അവധിക്കാല ക്ലാസുകൾ 11 മണിമുതൽ മൂന്നുമണിവരെയുള്ള സമയത്ത് നടത്തരുതെന്ന നിർദേശം നൽകിയിട്ടുണ്ട്. പോലീസ്, അഗ്നിശമന രക്ഷാസേന, മറ്റ് സേനാവിഭാഗങ്ങൾ, എൻസിസി, എസ്പിസി തുടങ്ങിയവയുടെ പരിശീലന കേന്ദ്രങ്ങൾ പകൽസമയത്തെ പരേഡും ഡ്രില്ലുകളും ഒഴിവാക്കാൻ നിർദേശമുണ്ട്.

ചിന്നക്കനാലിൽ സ്കൂട്ടർ കൊക്കയിലേക്ക് മറിഞ്ഞ് അമ്മയും കുഞ്ഞുമടക്കം മൂന്ന് മരണം
കലാ - കായിക മത്സരങ്ങളോ പരിപാടികളോ പകൽ 11 മുതൽ‌ വൈകിട്ട് 3വരെ നടത്തരുത്. പകൽ 11 മുതൽ വൈകിട്ട് 3വരെയുള്ള സമയത്ത് നേരിട്ട് ശരീരത്തിൽ സൂര്യപ്രകാശം ഏൽക്കുന്നത് ഒഴിവാക്കണം. നിർമാണത്തൊഴിലാളികൾ, കർഷകത്തൊഴിലാളികൾ, വഴിയോരക്കച്ചവടക്കാർ, മത്സ്യത്തൊഴിലാളികൾ, കാഠിന്യമുള്ള ജോലികളിൽ ഏർപ്പെടുന്നവർ മുതലായവർ ജോലി സമയം ക്രമീകരിക്കണം.