സംസ്ഥാനത്ത് അനിശ്ചിതകാല റേഷൻ സമരം തുടങ്ങി

തിരുവനന്തപുരം: സംസ്ഥാനത്തെ റേഷന്‍ വ്യാപാരികള്‍ ആഹ്വാനം ചെയ്തിരുന്ന അനിശ്ചിതകാല സമരം തുടങ്ങി. വിവിധ പരാതികള്‍ ഉന്നയിച്ചാണ് സമരം.റേഷന്‍ വ്യാപാരികളുടെ പ്രശ്നങ്ങള്‍ പരിഹരിക്കുന്നതില്‍ സര്‍ക്കാര്‍ ഇടപെടുന്നില്ലെന്നും ആരോപണമുണ്ട്. റേഷന്‍ കാര്‍ഡ് വിതരണമുള്‍പ്പെടെയുള്ള പ്രവര്‍ത്തനങ്ങളുമായി സഹകരിക്കാതെയാണ് സമരം.

വാതില്‍പ്പടിവിതരണം പൂര്‍ണമായി നടപ്പാക്കുക, മിനിമം വേതനം അംഗീകരിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം. സര്‍ക്കാര്‍ 25 ദിവസത്തെ സമയം ആവശ്യപ്പെട്ടെങ്കിലും വ്യാപാരികള്‍ അംഗീകരിക്കാന്‍ തയ്യാറായില്ല.

ജനങ്ങളെ ബുദ്ധിമുട്ടിലാക്കുന്ന തീരുമാനത്തിൽ നിന്നും വ്യാപാരികൾ പിൻ വാങ്ങിയില്ലെങ്കിൽ ശക്തമായ നടപടികളുമായി സർക്കാർ മുന്നോട്ട് പോകുമെന്നാണ് സര്‍ക്കാരിന്‍റെ തീരുമാനം. വ്യാപാരികള്‍ നടപടി നേരിടേണ്ടി വരുമെന്ന് ഭക്ഷ്യ മന്ത്രി പി.തിലോത്തമൻ വ്യക്തമാക്കിയിട്ടുണ്ട്.

സംസ്ഥാനത്തൊട്ടാകെയുള്ള പതിനാലായിരത്തോളം റേഷന്‍ കടകളും സമരത്തിന്‍റെ ഭാഗമാകും. ഒരു റേഷന്‍ കടകളും തുറക്കില്ലെന്ന് റേഷന്‍ ഡീലേഴ്സ് ഭാരവാഹികള്‍ അറിയിച്ചിട്ടുണ്ട്.

Rationshop Merchants' strike in Kerala:

Kerala Rationshop merchants start strike on Monday. Nearly 14000 Ration shops will be closed indefinitely.