ആപ്പ്ജില്ല

പെരുമഴ: റെഡ് അലർട്ട്, വിദ്യാഭ്യാസസ്ഥാപനങ്ങൾക്ക് നാളെ അവധി

കണ്ണൂർ ജില്ലയിലെ എല്ലാ വിദ്യാഭ്യാസസ്ഥാപനങ്ങൾക്കും നാളെ അവധിയായിരിക്കുമെന്ന് ജില്ലാ കളക്ടർ പ്രഖ്യാപിച്ചു. കോട്ടയം ജില്ലയിലെ നാല് ഗ്രാമപഞ്ചായത്തുകളിലെ വിദ്യാഭ്യാസ സ്ഥാപനങ്ങൾക്കാണ് നാളെ അവധി നൽകിയിരിക്കുന്നത്.

Samayam Malayalam 21 Jul 2019, 9:24 pm
തിരുവനന്തപുരം: കോട്ടയം, കണ്ണൂർ ജില്ലകളിൽ കനത്ത മഴയെ തുടർന്ന് ജില്ലാ കളക്ടർമാർ നാളെ അവധി പ്രഖ്യാപിച്ചു. കണ്ണൂർ ജില്ലയിലെ പ്രൊഫഷണൽ കോളജുകൾ ഉൾപ്പടെയുള്ള വിദ്യാഭ്യാസ സ്ഥാപനങ്ങൾക്കാണ് നാളെ ജില്ലാ കളക്ടർ അവധി പ്രഖ്യാപിച്ചിരിക്കുന്നത്. കനത്ത മഴയുടെ പശ്ചാത്തലത്തിൽ ദുരന്ത നിവാരണ അതോറിറ്റി റെഡ് അലർട്ട് പ്രഖ്യാപിച്ച സാഹചര്യത്തിലാണ് അവധി പ്രഖ്യാപിച്ചത്. എന്നാൽ, സർവകലാശാല പരീക്ഷകൾക്ക് മാറ്റമുണ്ടാകില്ലെന്ന് കളക്ടർ അറിയിച്ചു.
Samayam Malayalam kerala rain



പത്തനംതിട്ട ജില്ലയിലെ ദുരിതാശ്വാസ ക്യാമ്പ് പ്രവർത്തിക്കുന്ന തിരുവല്ല തിരുമൂലപുരം സെന്റ് തോമസ് എച്ച് എസ് എസിന് ജില്ലാ കളക്ടർ നാളെ അവധി പ്രഖ്യാപിച്ചിട്ടുണ്ട്.

കോട്ടയം മുനിസിപ്പാലിറ്റിയിലെയും ജില്ലയിലെ നാല് ഗ്രാമപഞ്ചായത്തുകളിലെയും പ്രൊഫഷണൽ കോളജുകൾ ഒഴികെയുള്ള വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. ആര്‍പ്പൂക്കര, അയ്മനം, തിരുവാര്‍പ്പ്, കുമരകം ഗ്രാമപഞ്ചായത്തുകളിലെ വിദ്യാഭ്യാസസ്ഥാപനങ്ങൾക്കാണ് കളക്ടർ അവധി പ്രഖ്യാപിച്ചിരിക്കുന്നത്.


അതിനിടെ, തിരുവനന്തപുരത്ത് കടലാക്രമണം രൂക്ഷമായതിനെ തുടർന്ന് 143 കുടുംബങ്ങളെ മാറ്റി പാർപ്പിച്ചു. ജില്ലയിൽ ആറ് ദുരിതാശ്വാസ ക്യാമ്പുകൾ തുറന്നു. തിരുവനന്തപുരം, ചിറയിന്‍കീഴ് താലൂക്കുകൾ ഉൾപ്പെടുന്ന തീരദേശ മേഖലകളിലാണ് കടലാക്രമണം രൂക്ഷമായിരിക്കുന്നത്. 603 പേരെയാണ് ഇപ്പോൾ ക്യാമ്പുകളിൽ പാർപ്പിച്ചിരിക്കുന്നത്.

ക്യാമ്പുകളിലേക്ക് ഭക്ഷണവും ആവശ്യസാധനങ്ങളും എത്തിക്കുന്നുണ്ടെന്ന് ജില്ലാ കളക്ടർ കെ.ഗോപാലകൃഷ്ണൻ അറിയിച്ചു. ആരോഗ്യവകുപ്പ് ആവശ്യമായ വൈദ്യസഹായം എത്തിക്കാൻ സജ്ജമാണ്. ഓരോ ക്യാമ്പിനും ചാർജ് ഓഫീസർമാരെ നിയമിച്ചിട്ടുണ്ടെന്നും കളക്ടർ വ്യക്തമാക്കി.

കടലാക്രമണം രൂക്ഷമായതിനെ തുടർന്ന് തിരുവനന്തപുരം, ചിറയിൻകീഴ് താലൂക്കുകളിലെ കുടുംബങ്ങളെ മാറ്റി പാർപ്പിച്ചു. 603 പേരെ ആറ് ദുരിതാശ്വാസ ക്യാമ്പുകളിലായി മാറ്റി പാർപ്പിച്ചിട്ടുണ്ടെന്ന് തിരുവനന്തപുരം ജില്ലാ കളക്ടർ കെ.ഗോപാലകൃഷ്ണൻ വ്യക്തമാക്കി.

ആര്‍ട്ടിക്കിള്‍ ഷോ

ട്രെൻഡിങ്