തൃശൂർ: ശോഭാസിറ്റിയിലെ സെക്യൂരിറ്റി ജീവനക്കാരനെ വാഹനം ഇടിച്ചു കൊലപ്പെടുത്തിയ കേസിലെ പ്രതിയായ നിഷാമിനെതിരെ വീണ്ടും കേസ്. സഹതടവുകാരന്‍റെ കാലിൽ ചൂടുവെള്ളം ഒഴിച്ചെന്നാണ് പുതിയ കേസ്. എന്നാൽ, കഴിഞ്ഞ ജൂണിൽ നടന്ന സംഭവത്തിൽ നസീർ എന്ന സഹതടവുകാരൻ ആദ്യം പരാതി പറഞ്ഞിരുന്നില്ലെന്നും ഇതിൽ ഗൂഢാലോചനയുണ്ടെന്ന് സംശയിക്കുന്നുവെന്നും പൂജപ്പുര സെൻട്രൽ ജയിൽ ഉദ്യോഗസ്ഥൻ വ്യക്തമാക്കി.
നിഷാമിനെതിരെ നിസാർ എന്ന തടവുകാരൻ പരാതി നൽകാൻ വൈകിയത് എന്തുകൊണ്ടാണെന്ന് വ്യക്തമല്ല. വധശിക്ഷക്ക് വിധിക്കപ്പെട്ട് കഴിയുന്ന ബിനു എന്ന തടവുകാരനുമായി ചേർന്ന് നസീറിന്‍റെ കാലിൽ ചൂടുവെള്ളം ഒഴിച്ചെന്നാണ് കേസ്. പൂജപ്പുര പോലീസ് സംഭവത്തിൽ കേസെടുത്ത് അന്വേഷണം ആരംഭിച്ചു.ജൂൺ 24നാണ് സംഭവം നടന്നത്.
ജയിൽ ബാർബർഷോപ്പിലെ ഉപകരണങ്ങൾ വൃത്തിയാക്കാൻ വെച്ചിരുന്ന ചൂടുവെള്ളം കാലിൽ വീണു എന്നാണ് നിസാർ നേരത്തെ പറഞ്ഞത്. എന്നാൽ നിഷാം പ്രേരിപ്പിച്ചതിനെ തുടർന്ന് ബിനു ചൂടുവെള്ളം ഒഴിച്ചെന്നാണ് ഇപ്പോഴത്തെ പരാതി.നിഷാം സഹതടവുകാർക്കും മറ്റും പണം നൽകാറുണ്ടെന്ന് നേരത്തെ പരാതി ഉയർന്നിരുന്നു. മറ്റുള്ള തടവുകാരിൽ നിന്ന് മൊഴിയെടുക്കാൻ ഒരുങ്ങുകയാണ് അന്വേഷണ ഉദ്യോഗസ്ഥൻ.
നിഷാമിനെതിരെ നിസാർ എന്ന തടവുകാരൻ പരാതി നൽകാൻ വൈകിയത് എന്തുകൊണ്ടാണെന്ന് വ്യക്തമല്ല. വധശിക്ഷക്ക് വിധിക്കപ്പെട്ട് കഴിയുന്ന ബിനു എന്ന തടവുകാരനുമായി ചേർന്ന് നസീറിന്‍റെ കാലിൽ ചൂടുവെള്ളം ഒഴിച്ചെന്നാണ് കേസ്. പൂജപ്പുര പോലീസ് സംഭവത്തിൽ കേസെടുത്ത് അന്വേഷണം ആരംഭിച്ചു.ജൂൺ 24നാണ് സംഭവം നടന്നത്.
ജയിൽ ബാർബർഷോപ്പിലെ ഉപകരണങ്ങൾ വൃത്തിയാക്കാൻ വെച്ചിരുന്ന ചൂടുവെള്ളം കാലിൽ വീണു എന്നാണ് നിസാർ നേരത്തെ പറഞ്ഞത്. എന്നാൽ നിഷാം പ്രേരിപ്പിച്ചതിനെ തുടർന്ന് ബിനു ചൂടുവെള്ളം ഒഴിച്ചെന്നാണ് ഇപ്പോഴത്തെ പരാതി.നിഷാം സഹതടവുകാർക്കും മറ്റും പണം നൽകാറുണ്ടെന്ന് നേരത്തെ പരാതി ഉയർന്നിരുന്നു. മറ്റുള്ള തടവുകാരിൽ നിന്ന് മൊഴിയെടുക്കാൻ ഒരുങ്ങുകയാണ് അന്വേഷണ ഉദ്യോഗസ്ഥൻ.