കണ്ണൂർ: ഫ്രഞ്ച് അധിനിവേശത്തിൻ്റെ ചരിത്രപ്പാടുകൾ വീണുകിടക്കുന്ന പഴയ വൈദേശിക കോളനികളിലൊന്നാണ് മയ്യഴി. എം മുകുന്ദൻ്റെ 'ദൈവത്തിൻ്റെ വികൃതികൾ' എന്ന നോവലിൽ അൽഫോൺസാച്ചൻ്റെയും മാഗി മദാമ്മയുടെയും ജീവിതത്തിലൂടെ നമുക്ക് അതു തൊട്ടറിയാം. വൈദേശിക ഭരണം കടൽ കടന്നപ്പോൾ കേന്ദ്രഭരണപ്രദേശമെന്ന പദവിയും കണ്ണൂർ - കോഴിക്കോട് ജില്ലകളുടെ അതിർത്തിയായ മയ്യഴിക്ക് ലഭിച്ചു. ന്യൂ മാഹി എന്ന പേരിൽ ഒരു ഭാഗം കണ്ണൂർ ജില്ലയിലെ ഒരു പഞ്ചായത്തായി മാറിയപ്പോഴും മയ്യഴി പുഴയ്ക്കു അപ്പുറം, ഒരു വലിയ ഭാഗം പ്രദേശം മയ്യഴിപ്പുഴയുടെ തീരത്തായി സ്വന്തം സ്വത്വം കാത്തുസൂക്ഷിച്ചു ഒറ്റയ്ക്കുനിന്നു.
നിരന്തരം അവഗണനയാണ് തങ്ങൾക്ക് നേരിടേണ്ടി വരുന്നതെന്നാണ് മയ്യഴിക്കാർ പറയുന്നത്. ഇവിടെ നഗരസഭയുടെ തെരഞ്ഞെടുപ്പ് നടന്നിട്ടുതന്നെ വർഷങ്ങളായി. വിലകുറഞ്ഞ മദ്യത്തിനും ഇന്ധനത്തിനുമായി പുറമേനിന്ന് ആളുകളെത്തുന്ന കൊച്ചു തുരുത്തായി മയ്യഴി മാറിക്കഴിഞ്ഞു. അഡ്മിനിസ്ട്രേറ്റർ ഭരണമായതുകൊണ്ടു റോഡ് വികസനം പോലും നടക്കുന്നില്ലെന്നാണ് ജനങ്ങളുടെ പരാതി. ജിഎസ്ടി വന്നതോടെ മാഹിയിലെ വ്യാപാര മേഖലയുടെയും നട്ടെല്ല് ഒടിഞ്ഞുവെന്നും ആക്ഷേപമുണ്ട്. ഈ സാഹചര്യത്തിൽ നിരാശയിലാണ്ടു നിൽക്കുന്ന മയ്യഴിക്കാർക്ക് പ്രതീക്ഷയേകിയിരിക്കുകയാണ് ഹാർബറിൻ്റെ വിപുലീകരണം.
വലിയ യാത്രാ കപ്പലുകൾക്ക് വരെ വന്നടുക്കാവുന്ന രീതിയിലാണ് ഇവിടെ ഡ്രഡ്ജിങ് നടക്കുന്നത്. കേന്ദ്ര ഫിഷറീസ് മന്ത്രി പുരുഷോത്തം രൂപാല മാസങ്ങൾക്ക് മുൻപ് മയ്യഴിയിലെ ഹാർബർ സന്ദർശിച്ചിരുന്നു. തുറമുഖം വാണിജ്യാടിസ്ഥാനത്തിൽ വിപുലീകരിക്കണമെന്ന് പ്രദേശവാസികൾ മന്ത്രിക്ക് നിവേദനം നൽകിയിരുന്നു. ഓരോ മയ്യഴിക്കാരനും ആഗ്രഹിക്കുന്നതുപോലെ മയ്യഴിയിൽനിന്നു വെറും 342 കിലോമീറ്റർ അകലെയുള്ള ലക്ഷദ്വീപുമായി ലയിപ്പിക്കണമെന്ന് ഇവിടെയുള്ള 21 റസിഡൻസ് അസോസിയേഷൻ നൽകിയ നിവേദനത്തിൽ ആവശ്യപ്പെടുന്നുണ്ട്.
പുതുച്ചേരിയിൽനിന്ന് മാറി മയ്യഴി ലക്ഷദ്വീപിൻ്റെ തലസ്ഥാനമായാൽ വൻ വാണിജ്യ സംസ്കാരിക കുതിപ്പുണ്ടാകുമെന്ന് മയ്യഴിക്കാരനും എഴുത്തുകാരനുമായ ഇകെ റഫീഖ് പറഞ്ഞു. മയ്യഴി മാതാവിനെ കാണാനും മാഹിയിലെ ടൂറിസ്റ്റ് കേന്ദ്രങ്ങൾ കണ്ട് ആസ്വദിക്കാനും കപ്പൽ മാർഗവും വാട്ടർ മെട്രോയിലൂടെയും വിനോദസഞ്ചാരികൾക്ക് കഴിയും. ലക്ഷദ്വീപിൽനിന്നു മാഹിയിലേക്കും തിരിച്ച് അങ്ങോട്ടും കയറ്റിറക്കുമതി വർധിക്കും.
മയ്യഴിയിലെ ഭൂരിഭാഗം ജനങ്ങളും ലക്ഷദ്വീപ് ലയനവുമായി യോജിക്കുന്നവരാണ്. രണ്ടു കേന്ദ്രഭരണ പ്രദേശങ്ങളായതിനാൽ ഇക്കാര്യത്തിൽ സാങ്കേതികതടസമുണ്ടാകില്ലെന്നാണ് ഇവർ കരുതുന്നത്. ഈ കാര്യം ചൂണ്ടിക്കാണിച്ചുകൊണ്ടു പ്രധാനമന്ത്രി നരേന്ദ്ര മോദിക്ക് റസിഡൻസ് അസോസിയേഷനുകൾ നിവേദനം നൽകിയിട്ടുണ്ട്. കേന്ദ്രസർക്കാർ കനിഞ്ഞാൽ മയ്യഴിയുടെ സുവർണകാലം തുടങ്ങുമെന്നാണ് ഇവർ കരുതുന്നത്. ഇതിനായുള്ള കാത്തിരിപ്പിലാണ് ഓരോ മയ്യഴിക്കാരനും.
നിരന്തരം അവഗണനയാണ് തങ്ങൾക്ക് നേരിടേണ്ടി വരുന്നതെന്നാണ് മയ്യഴിക്കാർ പറയുന്നത്. ഇവിടെ നഗരസഭയുടെ തെരഞ്ഞെടുപ്പ് നടന്നിട്ടുതന്നെ വർഷങ്ങളായി. വിലകുറഞ്ഞ മദ്യത്തിനും ഇന്ധനത്തിനുമായി പുറമേനിന്ന് ആളുകളെത്തുന്ന കൊച്ചു തുരുത്തായി മയ്യഴി മാറിക്കഴിഞ്ഞു. അഡ്മിനിസ്ട്രേറ്റർ ഭരണമായതുകൊണ്ടു റോഡ് വികസനം പോലും നടക്കുന്നില്ലെന്നാണ് ജനങ്ങളുടെ പരാതി. ജിഎസ്ടി വന്നതോടെ മാഹിയിലെ വ്യാപാര മേഖലയുടെയും നട്ടെല്ല് ഒടിഞ്ഞുവെന്നും ആക്ഷേപമുണ്ട്. ഈ സാഹചര്യത്തിൽ നിരാശയിലാണ്ടു നിൽക്കുന്ന മയ്യഴിക്കാർക്ക് പ്രതീക്ഷയേകിയിരിക്കുകയാണ് ഹാർബറിൻ്റെ വിപുലീകരണം.
വലിയ യാത്രാ കപ്പലുകൾക്ക് വരെ വന്നടുക്കാവുന്ന രീതിയിലാണ് ഇവിടെ ഡ്രഡ്ജിങ് നടക്കുന്നത്. കേന്ദ്ര ഫിഷറീസ് മന്ത്രി പുരുഷോത്തം രൂപാല മാസങ്ങൾക്ക് മുൻപ് മയ്യഴിയിലെ ഹാർബർ സന്ദർശിച്ചിരുന്നു. തുറമുഖം വാണിജ്യാടിസ്ഥാനത്തിൽ വിപുലീകരിക്കണമെന്ന് പ്രദേശവാസികൾ മന്ത്രിക്ക് നിവേദനം നൽകിയിരുന്നു. ഓരോ മയ്യഴിക്കാരനും ആഗ്രഹിക്കുന്നതുപോലെ മയ്യഴിയിൽനിന്നു വെറും 342 കിലോമീറ്റർ അകലെയുള്ള ലക്ഷദ്വീപുമായി ലയിപ്പിക്കണമെന്ന് ഇവിടെയുള്ള 21 റസിഡൻസ് അസോസിയേഷൻ നൽകിയ നിവേദനത്തിൽ ആവശ്യപ്പെടുന്നുണ്ട്.
പുതുച്ചേരിയിൽനിന്ന് മാറി മയ്യഴി ലക്ഷദ്വീപിൻ്റെ തലസ്ഥാനമായാൽ വൻ വാണിജ്യ സംസ്കാരിക കുതിപ്പുണ്ടാകുമെന്ന് മയ്യഴിക്കാരനും എഴുത്തുകാരനുമായ ഇകെ റഫീഖ് പറഞ്ഞു. മയ്യഴി മാതാവിനെ കാണാനും മാഹിയിലെ ടൂറിസ്റ്റ് കേന്ദ്രങ്ങൾ കണ്ട് ആസ്വദിക്കാനും കപ്പൽ മാർഗവും വാട്ടർ മെട്രോയിലൂടെയും വിനോദസഞ്ചാരികൾക്ക് കഴിയും. ലക്ഷദ്വീപിൽനിന്നു മാഹിയിലേക്കും തിരിച്ച് അങ്ങോട്ടും കയറ്റിറക്കുമതി വർധിക്കും.
മയ്യഴിയിലെ ഭൂരിഭാഗം ജനങ്ങളും ലക്ഷദ്വീപ് ലയനവുമായി യോജിക്കുന്നവരാണ്. രണ്ടു കേന്ദ്രഭരണ പ്രദേശങ്ങളായതിനാൽ ഇക്കാര്യത്തിൽ സാങ്കേതികതടസമുണ്ടാകില്ലെന്നാണ് ഇവർ കരുതുന്നത്. ഈ കാര്യം ചൂണ്ടിക്കാണിച്ചുകൊണ്ടു പ്രധാനമന്ത്രി നരേന്ദ്ര മോദിക്ക് റസിഡൻസ് അസോസിയേഷനുകൾ നിവേദനം നൽകിയിട്ടുണ്ട്. കേന്ദ്രസർക്കാർ കനിഞ്ഞാൽ മയ്യഴിയുടെ സുവർണകാലം തുടങ്ങുമെന്നാണ് ഇവർ കരുതുന്നത്. ഇതിനായുള്ള കാത്തിരിപ്പിലാണ് ഓരോ മയ്യഴിക്കാരനും.