വൈപ്പിനിൽ ബസ്സുകളുടെ മത്സരയോട്ടം; ഒരു ജീവൻ പൊലിഞ്ഞു

വൈപ്പിനിൽ ബസ്സുകൾ തമ്മിലുള്ള മത്സരയോടത്തിനിടയിൽ ഒരു ജീവൻ കൂടി പൊലിഞ്ഞു. വൈപ്പിനിൽ കുഴുപ്പിള്ളി പാലത്തിന് സമീപം തിങ്കളാഴ്ചയായിരുന്നു അപകടം. ഇതോടെ ചൊവ്വാഴ്ച പോലീസ് നടപടി ആവശ്യപ്പെട്ട് നാട്ടുകാർ പള്ളത്താംകുളങ്ങരയിൽ ബസ്സുകൾ തടഞ്ഞു. ഗോകുൽനാഥ് പൈയുടെ മകൻ ഗണശ്യാംപൈ(15)യാണ് അപകടത്തിൽ മരിച്ചത്. കവലയിൽ മുടിവെട്ടിയശേഷം സൈക്കിളിൽ വരുന്നതിനിടെ കുഴുപ്പിള്ളി പാലത്തിന്‍റെ ഇറക്കത്തിലായിരുന്നു സംഭവം. പാലത്തിലൂടെ മറ്റൊരു ബസിനെ മറികടന്ന് വന്ന ധനലക്ഷ്മി എന്ന ബസ്സാണ് ഇടിച്ചത്. ഡ്രൈവർ ഓടി രക്ഷപ്പെടുകയായിരുന്നു. സംഭവത്തിൽ ഉടൻ നടപടിയുണ്ടാകണമെന്ന് നാട്ടുകാർ ആവശ്യപ്പെട്ടിട്ടുണ്ട്. ചൊവ്വാഴ്ച ഉച്ചയോടെ വൈപ്പിൻ-പള്ളിപ്പുറം സംസ്ഥാനപാതയിൽ ബസ്സുകൾ ഓടി തുടങ്ങി.

Residents block pvt buses as boy dies in accident
Angry residents resorted to blocking private buses in Vypeen as a 15 year-old boy died after getting hit by a bus reportedly during a competitive run by two buses.