ലോ അക്കാദമിയുടെ പ്രധാന കവാടം പൊളിക്കാൻ നോട്ടീസ്

തിരുവനന്തപുരം: വിദ്യാര്‍ഥി സമരം അവസാനിച്ചതിനു പിന്നാലെ ലോ അക്കാദമി ഭൂമിയുമായി ബന്ധപ്പെട്ട പ്രശ്നങ്ങളില്‍ സര്‍ക്കാര്‍ നടപടി തുടങ്ങി. ജലവിഭവ വകുപ്പിന്‍റെ ഭൂമിയില്‍ പ്രവര്‍ത്തിക്കുന്ന, അക്കാദമിയുടെ മുഖ്യ കവാടം പൊളിച്ചുനീക്കണം എന്നാവശ്യപ്പെട്ട് റവന്യൂ വകുപ്പ് നോട്ടീസ് നല്‍കിയിട്ടുണ്ട്.

തുടര്‍ന്നുള്ള നടപടികള്‍ എങ്ങനെയാകും എന്ന കാര്യത്തില്‍ വ്യക്തത ലഭിച്ചിട്ടില്ല. നിയമവശം കൂടി പരിശോധിച്ച ശേഷമേ നടപടികളുമായി ജില്ലാ ഭരണകൂടം മുന്നോട്ടു പോകൂ എന്നാണ് സൂചന. കവാടം പൊളിച്ചുമാറ്റാനും കാന്‍റീന്‍-സഹകരണ ബാങ്ക് കെട്ടിടങ്ങള്‍ ഏറ്റെടുക്കാനും നേരത്തേ റവന്യൂ പ്രിന്‍സിപ്പല്‍ സെക്രട്ടറി നിര്‍ദേശം നല്‍കിയിരുന്നു.

Revenue Department issues notice to Law Academy

Revenue Department, in a notice issued, asked Law Academy to remove its main arch.