മലബാറിൽ രണ്ട് വാഹനാപകടങ്ങളിലായി അഞ്ച് മരണം

മലപ്പുറം: മലബാര്‍ മേഖലയിൽ രണ്ട് വാഹനാപകടങ്ങളിലായി അഞ്ച് പേര്‍ മരിച്ചു. മമ്പാട് ബസ്സും ഒമ്‌നി വാനും കൂട്ടിയിടിച്ച് വാനിലെ യാത്രക്കാരായ നാല് പേര്‍ മരിച്ചു. എടവണ്ണയില്‍ ബേക്കറി നടത്തുന്ന ആലുങ്ങല്‍ അക്ബറും കുടുംബവുമാണ് അപകടത്തിൽ മരണപ്പെട്ടത്. ഉച്ചക്ക് രണ്ടരയോടെയായിരുന്നു സംഭവം നടന്നത്. ഇവര്‍ സഞ്ചരിച്ച ഒമ്‌നി വാനില്‍ ബസ് ഇടിക്കുകയായിരുന്നു. മഞ്ചേരിയില്‍ നിന്ന് എടവണ്ണയിലേക്കുള്ള യാത്രാ മധ്യേയാണ് അപകടം നടന്നത്.

അതിനിടെ മുക്കത്തിനടുത്ത് ബസിൽ ടിപ്പറിടിച്ച്‌ വിദ്യാര്‍ഥി മരിച്ചു. ബസ് യാത്രികനായിരുന്ന മലയമ്മ പരപ്പില്‍ സ്വേദശി സാലിഹ്(14) ആണ് മരിച്ചത്. ഏതാനും ബസ് യാത്രക്കാര്‍ക്ക് പരിക്കേറ്റിട്ടുമുണ്ട്. സംഭവത്തില്‍ പോലീസ് കേസ് രജിസ്റ്റര്‍ ചെയ്തു.