കനത്ത മഴ: ഭൂതത്താന്‍കെട്ട് റോഡ് രണ്ടായി പിളര്‍ന്നു

കോതമംഗലം : കനത്ത മഴയില്‍ ഭൂതത്താന്‍കെട്ട് റോഡ് രണ്ടായി പിളര്‍ന്ന് ബൈക്ക് യാത്രക്കാര്‍ക്ക് പരിക്ക്. ഇടമലയാര്‍ വടാട്ടുപാറയിലേക്കുള്ള ഏക ഗതാഗത മാര്‍ഗമായ ഭൂതത്താന്‍കെട്ട് ഡാമിന് 200 മീറ്റര്‍ അകലെ ജംഗിള്‍ പാര്‍ക്കിന് മുന്നിലുള്ള റോഡാണ് രണ്ടായി പിളര്‍ന്നത്.

റോഡിലെ ഗര്‍ത്തത്തിലേക്ക് ബൈക്ക് മറിഞ്ഞ് പരിക്കേറ്റ ഭൂതത്താന്‍കെട്ട് ഐപ്പിള്ളില്‍ വീട്ടില്‍ ജയന്‍ (36), സഹോദരന്‍ വിജയന്‍ (33) എന്നിവരെ കോതമംഗലം ബസേലിയോസ് ആശുപത്രിയില്‍ പ്രവേശിപ്പിച്ചു. പുലര്‍ച്ചയായതിനാല്‍ വന്‍ ദുരന്തം ഒഴിവായി. ബസ് സര്‍വീസുകള്‍ നിലച്ചു. റോഡ് രണ്ടായി പിളര്‍ന്ന് വലിയ ഗര്‍ത്തം രൂപപ്പെട്ടിരിക്കുകയാണ്.