ഫോര്‍ട്ട് കൊച്ചിയില്‍ ക്ഷേത്രം കുത്തിത്തുറന്ന് ഭണ്ഡാരം കവര്‍ന്നു

മട്ടാഞ്ചേരി: ഫോര്‍ട്ട് കൊച്ചിയില്‍ ക്ഷേത്രം കുത്തിത്തുറന്ന് കവര്‍ച്ച. അമരാവതി ശ്രീ ഹനുമാന്‍ കോവിലിലാണ് കഴിഞ്ഞ ദിവസം ഭണ്ഡാരം കുത്തിത്തുറന്ന് കവര്‍ച്ച നടത്തിയത്. രാത്രി 12 മണി വരെ അമ്പലത്തില്‍ ആളുകളുണ്ടായിരുന്നു. ഇതിന് ശേഷമാണ് കവര്‍ച്ച നടന്നത്.

അതിവിദഗ്ധമായാണ് കവര്‍ച്ച നടന്നിരിക്കുന്നത്. വലിയ താഴുകള്‍ വിദഗ്ധമായി തുറന്ന നിലയിലാണ്. ഫോര്‍ട്ട് കൊച്ചി പൊലീസ് സ്ഥലത്തെത്തി പ്രാഥമിക പരിശോധന നടത്തി. വിരലടയാള വിദഗ്ധരുടെ സഹായം പൊലീസ് തേടിയിട്ടുണ്ട്.