കായംകുളത്ത് 10 കോടിയുടെ അസാധു നോട്ടുകള്‍ പിടികൂടി

കായംകുളം: കായം കുളത്ത് പത്ത് കോടി രൂപയുടെ അസാധു നോട്ടുകള്‍ പിടികൂടി. കായംകുളം സി ഐയുടെ നേതൃത്വത്തില്‍ ദേശീയപാതയിലെ കൃഷ്ണപുരത്ത് നടത്തിയ വാഹന പരിശോധനയ്ക്കിടെയാണ് കാറില്‍ അസാധു നോട്ടുകളുമായി എത്തിയ സംഘം പോലീസിന്‍റെ വലയിലായത്.

1000 ത്തിന്‍റെ അസാധു നോട്ടുകളാണ് ഇവര്‍ കാറില്‍ കടത്താന്‍ ശ്രമിച്ചതെന്ന് പോലീസ് പറഞ്ഞു. കാറില്‍ രണ്ടു പേരാണ് ഉണ്ടായിരുന്നതെങ്കിലും സംഭവവുമായി ബന്ധപ്പെട്ട് അഞ്ച് പേരെ കസ്റ്റഡിയിലെടുത്തിട്ടുണ്ട്. അഞ്ചു പേരും പാലക്കാട് സ്വദേശികളാണ്.
പിടികൂടിയ അസാധു നോട്ടുകള്‍ പോലീസ് കൃത്യമായി എണ്ണി തിട്ടപ്പെടുത്തിയിട്ടില്ല.

പിടിയിലായ സംഘമാണ് പത്തു കോടിയുടെ നോട്ടുകള്‍ ഉണ്ടെന്ന് വെളിപ്പെടുത്തിയത്. അടുത്തിടെ ചേര്‍ത്തലയില്‍നിന്നും അസാധു നോട്ടുകള്‍ പിടികൂടിയിരുന്നു. വിശദമായ അന്വേഷണത്തിനായി ജില്ലാ പോലീസ് മേധാവി കായംകുളത്തെത്തും.

Rs 10 crore in banned currencies seized in Kayamkulam

In a late night operation, the police seized demonetised notes valued at Rs 10 crore from Sreekrishnapuram near here. Five Palakkad-natives have been arrested in connection with the incident