തൃശൂരില്‍ ആര്‍ എസ് എസ് പ്രവര്‍ത്തകന്‍ വെട്ടേറ്റുമരിച്ചു

തൃശൂര്‍: തൃശ്ശൂരില്‍ ആര്‍ എസ് എസ് പ്രവര്‍ത്തകന്‍ വെട്ടേറ്റു മരിച്ചു. ഗുരുവായൂര്‍ നെന്മിനി സ്വദേശി ആനന്ദാണ് മരിച്ചത്. നാലു വര്‍ഷം മുന്‍പ് സിപിഎം പ്രവര്‍ത്തകന്‍ ഫാസില്‍ കൊല്ലപ്പെട്ട കേസിലെ പ്രതിയാണ് ആനന്ദ്.

ഇന്ന് ഉച്ചകഴിഞ്ഞ് 1.30 ഓടെ ആനന്ദ് ബൈക്കിൽ വരുമ്പോള്‍ പിന്നാലെ കാറിലെത്തിയ സംഘം ബൈക്ക് ഇടിച്ചിടുകയായിരുന്നു. തെറിച്ചു വീണ ആനന്ദിനെ സംഘം വെട്ടിപരിക്കേല്‍പ്പിച്ചു. ഗുരുതരമായി പരിക്കേറ്റ ആനന്ദിനെ ചാവക്കാടുളള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ഫാസില്‍ കൊലക്കേസില്‍ പ്രതിയായ ആനന്ദ് അടുത്തിടെയാണ് ജാമ്യത്തില്‍ ഇറങ്ങിയത്.