ഏറ്റുമാനൂരില്‍ ഇന്ന് ആര്‍എസ്എസ് ഹര്‍ത്താല്‍

കോട്ടയം: ഏറ്റുമാനൂരിൽ ഇന്ന് ആര്‍എസ്എസ് ഹർത്താല്‍. കഴിഞ്ഞദിവസം ആർഎസ്‍‍എസ് കാര്യാലയത്തിന് നേരെ ആക്രമണം ഉണ്ടായിരുന്നു. ഇതിന് പിന്നിൽ സിപിഎം പ്രവർത്തകരാണെന്ന് ആരോപിച്ചാണ് ഹർത്താൽ ആഹ്വാനം ചെയ്തിരിക്കുന്നത്. ഏറ്റുമാനൂർ നഗരസഭാ പരിധിയിൽ രാവിലെ 6 മുതൽ വൈകിട്ട് 6 മണി വരെയാണ് ഹർത്താൽ ആചരിക്കുക.

അവശ്യ സർവ്വീസുകളെ ഹർത്താലിൽ നിന്ന് ഒഴിവാക്കിയിട്ടുണ്ട്. അതേ സമയം സംഭവുമായി സിപിഎമ്മിന് യാതൊരു വിധത്തിലുള്ള ബന്ധമില്ലെന്നും ഇക്കാര്യത്തിൽ സമഗ്രമായ പോലീസ് അന്വേഷണം വേണമെന്നും സിപിഎം ആവശ്യപ്പെട്ടിട്ടുണ്ട്.