ബാങ്കുകളിലെ വായ്പാ ചട്ടങ്ങള്‍ ലഘൂകരിക്കുന്നതിനും കിട്ടാക്കടമായി മാറാൻ സാധ്യതയുള്ള വായ്പകള്‍ക്കായി ഫണ്ട് നീക്കിവെക്കുന്നതിനുള്ള നയം രൂപീകരിക്കുന്നാനുള്ള സര്‍ക്കാര്‍ നീക്കത്തെ ആര്‍ബിഐ എതിര്‍ത്തിരുന്നു. ഇതിനെയാണ് ഗുരുമൂര്‍ത്തി വിമര്‍ശിച്ചത്. 2009 മുതൽ കിട്ടാക്കടം പെരുകുന്നുണ്ടെന്നും എന്നാൽ 2014 ആയപ്പോള്‍ എന്തിനാണ് നയം മാറ്റിയതെന്നും അദ്ദേഹം ചോദിച്ചു. വായ്പ കൊടുത്ത ഘട്ടത്തിൽ പറയാതെ ഇപ്പോള്‍ നിങ്ങള്‍ വായ്പ കൊടുത്തു എന്നാണ് പറയുന്നതെന്നും അദ്ദേഹം വിമര്‍ശിച്ചു. ഒരു നയത്തിലൂടെ പ്രതിസന്ധി ഒഴിവാക്കാനും അതേ നയത്തിലൂടെ പ്രതിസന്ധി സൃഷ്ടിക്കാനും സാധിക്കുമെന്നും അദ്ദേഹം വ്യക്തമാക്കി.
സര്‍ക്കാരും ആര്‍ബിഐയും തമ്മിൽ രൂപപ്പെട്ട അഭിപ്രായവ്യത്യാസങ്ങള്‍ പരിഹരിക്കാൻ ശ്രമിക്കുന്നതിനിടെയാണ് ആര്‍ബിഐയെ വിമര്‍ശിച്ച് ആര്‍എസ്എസ് പ്രസ്താവന. തര്‍ക്കം പരിഹരിക്കാനായി പ്രധാനമന്ത്രി നരേന്ദ്ര മോദിയുമായി ആര്‍ബിഐ ഗവര്‍ണര്‍ ഊര്‍ജിത് പട്ടേൽ കൂടിക്കാഴ്ച നടത്തിയിരുന്നു.
റിസര്‍വ് ബാങ്ക് അന്ധമായി അമേരിക്കയെ പിന്തുടരരുതെന്നും ജപ്പാനിലേതിന് സമാനമായ സമ്പദ്‍‍വ്യവസ്ഥയാണ് ഇന്ത്യയിലേതെന്നും അദ്ദേഹം പറഞ്ഞു. അമേരിക്കയെ നയിക്കുന്നത് വിപണികളാണെങ്കിൽ ഇന്ത്യയിൽ വ്യവസായങ്ങള്‍ക്ക് പണം കണ്ടത്താൻ ബാങ്കുകളെയാണ് ആശ്രയിക്കുന്നതെന്നും ഗുരുമൂര്‍ത്തി പറഞ്ഞു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
