പത്തനംതിട്ട: ശബരിമലയിലെ നിരോധനാജ്ഞ വീണ്ടും നീട്ടി. നാല് ദിവസത്തേക്ക് കൂടിയാണ് നിരോധനാജ്ഞ നീട്ടിയിരിക്കുന്നത്. ജില്ലാ പോലീസ് മേധാവിയുടെ റിപ്പോർട്ടിൻെറ അടിസ്ഥാനത്തിലാണ് നടപടി. ഇതോടെ ശബരിമലയിൽ ഈ മാസം 22 വരെ നിരോധനാജ്ഞ തുടരും. നിരോധനാജ്ഞ തുടരണമെന്ന് എക്സിക്യൂട്ടീവ് മജിസ്ട്രേറ്റുമാരും റിപ്പോർട്ട് നൽകിയിരുന്നു. ജനുവരി 14 വരെ തൽസ്ഥിതി തുടരണമെന്നാണ് ജില്ലാ പോലീസ് മേധാവിയുടെ റിപ്പോർട്ട്. പ്രതിഷേധ സാഹചര്യങ്ങൾ കണക്കിലെടുക്കണമെന്നും ഇതിൽ പറയുന്നു.
ജില്ലാ കലക്ടറാണ് നിരോധനാജ്ഞ നീട്ടി ഉത്തരവ് പുറപ്പെടുവിച്ചത്. നേരത്തെ തന്നെ ഈ വിഷയത്തിൽ ബിജെപി പ്രതിഷേധത്തിലാണ്. നാല് ദിവസം കൂടി നീട്ടിയതോടെ പ്രതിഷേധം ശക്തമാക്കുമെന്നാണ് സൂചന.
ജില്ലാ കലക്ടറാണ് നിരോധനാജ്ഞ നീട്ടി ഉത്തരവ് പുറപ്പെടുവിച്ചത്. നേരത്തെ തന്നെ ഈ വിഷയത്തിൽ ബിജെപി പ്രതിഷേധത്തിലാണ്. നാല് ദിവസം കൂടി നീട്ടിയതോടെ പ്രതിഷേധം ശക്തമാക്കുമെന്നാണ് സൂചന.