കെ​എ​സ്‌ആ​ര്‍​ടി​സി ബ​സു​ക​ള്‍​ക്ക് നേ​രെ ക​ല്ലേ​റ്: ഹര്‍ത്താല്‍ തുടരുന്നു

തിരുവനന്തപുരം: സ്ത്രീ പ്രവേശനവുമായി ബന്ധപ്പെട്ട് ശബരിമല കര്‍മ്മ സമിതി പ്രഖ്യാപിച്ച സംസ്ഥാനവ്യാപക ഹര്‍ത്താല്‍ തുടരുന്നു. കോഴിക്കോട്ടും തിരുവനന്തപുരത്തും കെഎസ്‌ആര്‍ടിസി ബസുകള്‍ക്കു നേരെ കല്ലേറുണ്ടായി. മറ്റിടങ്ങളിലൊന്നും തന്നെ അക്രമസംഭവങ്ങള്‍ റിപ്പോര്‍ട്ട് ചെയ്തിട്ടില്ല.തിരുവനന്തപുരത്ത് കല്ലമ്പലത്ത് കെഎസ്‌ആര്‍ടിസി ബസുകള്‍ക്കു നേരെ കല്ലേറുണ്ടായത്.

സംഭവത്തെ തുടര്‍ന്നു കെഎസ്‌ആര്‍ടിസി സര്‍വീസ് നിര്‍ത്തിവച്ചു. അതേ സമയം നിലക്കൽ, പമ്പ എന്നിവിടങ്ങളിൽ അര്‍ധരാത്രിയോടെ നിരോധനാജ്ഞ നിലവില്‍ വന്നു. പത്തനംതിട്ടജില്ലാ കളക്ടര്‍ പി ബി നൂഹ് ആണ് നിരോധനാജ്ഞ പ്രഖ്യാപിച്ചത്. ശബരിമലയിൽ ഇന്നലെ രാത്രിയുണ്ടായ സംഘര്‍ഷത്തിനിടെ 13 കെ.എസ്.ആര്‍.ടി.സി ബസുകള്‍ അക്രമികള്‍ കല്ലെറിഞ്ഞു തകര്‍ത്തു. പമ്പ - നിലയ്ക്കല്‍ ചെയിന്‍ സര്‍വീസ് ഇന്നലെ രാത്രിയോടെ നിലച്ചത് തീർഥാടകരെ വലച്ചു