ശബരിമല കയറാൻ 38 കാരിയായ ദളിത് യുവതി

പമ്പ: ശബരിമല കയറാൻ മറ്റൊരു യുവതി കൂടി പമ്പയിൽ എത്തി. 38 കാരിയായ ചാത്തന്നൂർ സ്വദേശിയാണ് പമ്പയിൽ എത്തിയത്. കേരള ദളിത് മഹിളാ ഫെഡറേഷൻ നേതാവ് എസ്.പി.മഞ്ചുവാണ് പോലീസ് സുരക്ഷയോടെ മല കയറുന്നത്.

ശബരിമല ക്ഷേത്ര ദർശനത്തിന് എത്തുന്ന സ്ത്രീകൾക്ക് പൂർണ സുരക്ഷ നൽകുമെന്ന് പത്തനംതിട്ട ജില്ലാ കളക്ടർ പി.ബി.നൂഹ് രാവിലെ മാധ്യമങ്ങളോട് വ്യക്തമാക്കിയിരുന്നു. ഉച്ചക്ക് ഒന്നരയോടെയാണ് മഞ്ചു പോലീസ് സ്റ്റേഷനിൽ സുരക്ഷ ആവശ്യപ്പെട്ട് എത്തിയത്. നൂറ് പോലീസുകാർ അടങ്ങുന്ന സംഘമാണ് മഞ്ചുവിന് മല കയറാൻ സുരക്ഷ ഒരുക്കുന്നത്. സബ് കളക്ടർ നേരിട്ടായിരിക്കും മഞ്ചുവിന്റെ ശബരിമല കയറ്റത്തിന് നേതൃത്വം നൽകുക.മഴ കുറയുമ്പോൾ തന്നെ മഞ്ചു മലകയറ്റം ആരംഭിക്കും.