Sabarimala: മുഖ്യമന്ത്രി നാടകം കളിക്കുന്നുവെന്ന് ശ്രീധരൻ പിള്ള

തിരുവനന്തപുരം: ശബരിമല സ്ത്രീ പ്രവേശനവുമായി ബന്ധപ്പെട്ട് മുഖ്യമന്ത്രി വിളിച്ച് ചേർത്ത യോഗം പരിഹാസ്യമായിരുന്നുവെന്ന് ബിജെപി സംസ്ഥാന പ്രസിഡൻറ് പിഎസ് ശ്രീധരൻ പിള്ള. മുഖ്യമന്ത്രി ഈ വിഷയത്തിൽ നാടകം കളിക്കുകയാണ്. പഴയ സ്റ്റാലിനിസ്റ്റ് പ്രേതം അദ്ദേഹത്തെ ഇപ്പോഴും പിന്തുടരുന്നുവെന്നും ശ്രീധരൻ പിള്ള പറഞ്ഞു.

ജനഹിതം ഉൾക്കൊണ്ട് കാര്യങ്ങൾ തീർച്ചപ്പെടുത്തുകയാണ് മുഖ്യമന്ത്രി ചെയ്യേണ്ടത്. കള്ളക്കേസുകളിൽ കുടുക്കി നിരപരാധികളെ കുടുക്കാൻ ശ്രമിക്കുകയാണ് സംസ്ഥാന സർക്കാർ.

വിശ്വാസികളോടുള്ള യുദ്ധപ്രഖ്യാപനം അവസാനിപ്പിക്കണം. പിടിവാശി ഉപേക്ഷിച്ച് സംയമനത്തിൻെറ പാതയിൽ മുന്നോട്ട് പോവണമെന്നും ശ്രീധരൻ പിള്ള പറഞ്ഞു. മുഖ്യമന്ത്രി വിളിച്ച സർവകക്ഷിയോഗം ബിജെപി ബഹിഷ്കരിച്ചതായും അദ്ദേഹം പറഞ്ഞു.