സ്ത്രീ പ്രവേശനം: തന്ത്രി കുടുംബവുമായി മുഖ്യമന്ത്രി ചർച്ച നടത്തും

തിരുവനന്തപുരം: തിരുവനന്തപുരം: ശബരിമലയിൽ സ്ത്രീകൾക്ക് പ്രവേശനം അനുവദിച്ചു കൊണ്ടുള്ള സുപ്രീം കോടതി വിധിയുടെ പശ്ചാത്തലത്തിൽ മുഖ്യമന്ത്രി നേരിട്ട് തന്ത്രി കുടുംബവുമായി ചർച്ച നടത്തും. തിങ്കളാഴ്‌ചയാണ് തന്ത്രി കുടുംബവുമായി മുഖ്യമന്ത്രി ചർച്ച നടത്തുക. സുപ്രീം കോടതി വിധിക്കെതിരെ തന്ത്രി കുടുംബവും പന്തളം കൊട്ടാരവും രംഗത്ത് വന്നിരുന്നു. സംയുക്തമായി അവർ റിവ്യൂ ഹർജി കൊടുക്കുമെന്നും അറിയിച്ചിരുന്നു.

ഹിന്ദു സംഘടനകൾ സ്ത്രീ പ്രവേശനത്തിനെതിരെ രംഗത്ത് വന്നതിനെ തുടർന്ന് ഇന്ന് സർക്കാർ തന്ത്രി കുടുംബവുമായി സമവായ ചർച്ച നടത്തും. യുദ്ധം ചെയ്ത് വിധി നടപ്പാക്കാനില്ലെന്ന നിലപാട് സിപിഎം സംസ്ഥാന സെക്രട്ടറി കോടിയേരി ബാലകൃഷ്‌ണൻ സ്വീകരിച്ചിരുന്നു. ഭരണഘടനാ ബെഞ്ചിന്റെ ഉത്തരവ് നടപ്പാക്കാൻ സർക്കാർ ബാധ്യസ്ഥമാണെന്ന നിലപാട് തന്ത്രി കുടുംബത്തെ സർക്കാർ അറിയിക്കും. തന്ത്രിമാരായ കണ്ഠരര് രാജീവരര്, കണ്ഠരര് മോഹനരര്, മഹേഷ് മോഹനരര് എന്നിവരുമായാണ് സർക്കാർ ഇന്ന് ചർച്ച നടത്തുന്നത്. ദേവസ്വം മന്ത്രി കടകംപള്ളി സുരേന്ദ്രൻ ചർച്ചക്ക് നേതൃത്വം നൽകുകയും ദേവസ്വം ബോർഡ് പ്രസിഡന്റും അംഗങ്ങളും ചർച്ചയിൽ പങ്കെടുക്കുകയും ചെയ്യുമെന്ന് അറിയിച്ചിരുന്നു.