ഹര്‍ത്താല്‍; അക്രമമുണ്ടായാല്‍ കര്‍ശനമായി നേരിടുമെന്ന് ഡിജിപി

തിരുവനന്തപുരം: ശബരിമല യുവതീ പ്രവേശനത്തില്‍ പ്രതിഷേധിച്ച്‌ ശബരിമല കര്‍മസമിതി നടത്തുന്ന ഹര്‍ത്താല്‍ സംസ്ഥാന വ്യാപകമായി ആരംഭിച്ചു ഹ‍ർത്താലിനോടനുബന്ധിച്ച് ഗതാഗതം തടസ്സപ്പെടുത്തുകയോ അക്രമങ്ങളില്‍ ഏര്‍പ്പെടുകയോ ചെയ്യുന്നവര്‍ക്കെതിരെ കര്‍ശന നടപടികള്‍ സ്വീകരിക്കുമെന്ന് ഡിജിപി ലോക്‌നാഥ് ബെഹ്‌റ അറിയിച്ചു.

ശബരിമല, പമ്പ, നിലക്കല്‍, എരുമേലി, ചെങ്ങന്നൂര്‍, പന്തളം, വണ്ടിപ്പെരിയാര്‍ എന്നിവിടങ്ങളിൽ കൂടുതൽ പോലീസിനെ വിന്യസിക്കാൻ നിർദേഷം നൽകി. പട്രോളിങ് ശക്തമാക്കുകയും ആവശ്യമുള്ള സ്ഥലങ്ങളില്‍ പിക്കറ്റ് ഏര്‍പ്പെടുത്താനും ഇൻ്റലിജന്‍സ് വിഭാഗത്തോടും ജാഗ്രതപാലിക്കാന്‍ ആവശ്യപ്പെട്ടിട്ടുണ്ട്.